Parineeti Chopra And Raghav Chadha Marriage: బాలీవుడ్ భామ పరిణీతి చోప్రా, ఎంపీ రాఘవ్ చద్దా మూడుముళ్ల బంధంతో ఒక్కటయ్యారు. ఆదివారం ఉదయపూర్‌లో పెళ్లి చేసుకున్న ఈ జంట.. నేడు తమ వివాహానికి సంబంధించిన పిక్స్‌ను పంచుకున్నారు. సినీ, రాజకీయ ప్రముఖులు నూతన జంటను ఆశీర్వదిస్తున్నారు. పెళ్లి పిక్స్‌పై మీరూ ఓ లుక్కేయండి.
పరిణీతి చోప్రా-రాఘవ్ చద్దా సెప్టెంబరు 24న ఉదయ్‌పూర్‌లోని లీలా ప్యాలెస్‌లో గ్రాండ్ వేడుకగా వివాహం చేసుకున్నారు.
బీ టౌన్ ప్రముఖులు, రాజకీయ నాయకులు హాజరయ్యారు. అయితే పెళ్లికి సంబంధించిన పిక్స్ ఎక్కడా లీక్ కాకుండా జాగ్రత్తగా తీసుకున్నారు.
పెళ్లి తర్వాత రోజు సోమవారం ఉదయం పరిణీతి, రాఘవ్ తమ ఇన్‌స్టాగ్రామ్‌లో ఉమ్మడి పోస్ట్‌లో భార్యాభర్తలుగా తమ మొదటి అధికారిక పిక్స్‌ను షేర్ చేశారు.
"అల్పాహారం టేబుల్ వద్ద మొదటి చాట్ నుంచి మా మనసులు మాకు తెలుసు. ఈ రోజు కోసం చాలా కాలంగా ఎదురు చూస్తున్నాం.. ఎట్టకేలకు మిస్టర్ అండ్ మిసెస్ కావడం చాలా ఆనందంగా ఉంది. ఒకరినొకరు లేకుండా బతకలేం.." అని క్యాప్షన్‌తో పోస్ట్ చేశారు.
వీరి పెళ్లి పిక్స్ నెట్టింట తెగ వైరల్ అవుతున్నాయి. సెలబ్రిటీలతోపాటు అభిమానులు కాంగ్రాట్స్ చెబుతున్నారు.
