PM Kisan Yojana: పీఎం కిసాన్‌ సమ్మాన్‌ నిధి కేంద్ర ప్రభుత్వం ప్రారంభించింది. ఈ పథకం ద్వారా సన్నకారు రైతులను ఆర్థికంగా ఆదుకోవడానికి పీఎం నరేంద్ర మోదీ ఆధ్వర్యంలో ప్రారంభించారు. అయితే, ఈ పథకం ద్వారా రూ.2000 మూడు విడతల్లో మొత్తం ఏడాదికి రూ.6000 జమా చేస్తారు. అయితే, కుటుంబంలో తల్లి కొడుకులు ఇద్దరికీ ఈ పథకం వర్తిస్తుందా?
ఈ పథకంపై కొన్ని ప్రశ్నలు వస్తున్నాయి. ఈ పథకం ద్వారా కుటుంబంలోని తల్లిదండ్రులు, భార్యాభర్తలపై భూమి ఉంటే ఇద్దరికీ కిసాన్‌ డబ్బులు వస్తాయా? అనే ప్రశ్న తలెత్తుతోంది. కుటుంబంలో ఒక్కరి కంటే ఎక్కువ మందికి పీఎం కిసాన్‌ రూ.2000 పొందడానికి అర్హులు అవుతారా?
ఈ పథకం ద్వారా ఏటా రూ.6000 డీబీటీ ద్వారా రైతులు పొందుతారు. రెండు హెక్టార్‌లు ఉన్న రైతులు ఈ పథకం పొందడానికి అర్హులు. ఏడాదిలో మూడుసార్లు రూ.2000 జమా చేస్తున్నారు.
ఏప్రిల్‌, జూలై మధ్యంలో మొదటి ఇన్‌స్టాల్‌మెంట్‌ డబ్బులు క్రెడిట్‌ అయ్యాయి. ఆగష్టు, నవంబర్‌ మధ్యంలో రెండో విడుత డబ్బులు క్రెడిట్‌ చేశారు. మూడో విడుత డబ్బులను డిసెంబర్‌ నుంచి మార్చి మధ్యలో రైతుల ఖాతాల్లో రూ.2000 జమా చేయనున్నారు.
అయితే, ప్రధాన మంత్రి కిసాన్‌ సమ్మాన్‌ నిధి యోజన ప్రకారం కుటుంబంలో భార్యభర్తలు ఇద్దరూ ఈ పథకానికి దరఖాస్తు చేసుకోవడానికి అనర్హులు. ఒకవేళ వాళ్లు దరఖాస్తు చేసుకున్న అప్లికేషన్‌ కేన్సల్‌ అవుతుంది.
అలాగే, తండ్రికొడుకు, ఇతర కుటుంబ సభ్యులు ఒక్కరి కంటే ఎక్కువ మంది కుటుంబంలో పథకం లబ్ది పొందింతే వారి నుంచి డబ్బులను రికవర్‌ చేస్తారు. ఇప్పటికే ఎన్నోసార్లు కుటుంబంలో కేవలం ఒక్కరికి మాత్రమే పథకం వర్తిస్తుందని కేంద్రం ప్రకటించింది.
ప్రతి ఏడాది ఈ పథకం ద్వారా లబ్ది పొందాలంటే ఈకేవైసీ ప్రక్రియ పూర్తి చేసుకోవాలి. ఈ విధానాన్ని ఇంట్లో కూర్చొని పూర్తి చేసుకోవచ్చు. దీనికి రిజస్టర్‌ మొబైల్‌ నంబర్‌ కలిగి ఉండాలి. వెరిఫికేషన్‌ పూర్తయిన తర్వాత ఓటీపీ వస్తుంది.
