Bank Money: దేశంలోనే అతిపెద్ద ప్రభుత్వ రంగ బ్యాంకు అయిన ఎస్బిఐ మహిళలకు గుడ్ న్యూస్ చెప్పింది. వారికోసం ప్రత్యేకంగా ఓ స్కీమును అందుబాటులోకి తీసుకువచ్చింది. ఆ స్కీము గురించి పూర్తి వివరాలు తెలుసుకుందాం.
Bank Money: దేశంలోని అతిపెద్ద ప్రభుత్వ రంగ బ్యాంకు అయిన స్టేట్ బ్యాంక్ ఆఫ్ ఇండియా, మహిళా పారిశ్రామికవేత్తలను ప్రోత్సహించేందుకు ప్రత్యేకంగా సరికొత్త స్కీమును ప్రవేశపెట్టింది. ఈ స్కీముకు ఎస్బీఐ స్త్రీ శక్తిలోన్ అనే పేరు పెట్టారు. మహిళలు తమ స్వంత వ్యాపారాన్ని ప్రారంభించేందుకు లేదా ఇప్పటికే ఉన్న బిజినెస్ ను విస్తరించేందుకు ఈ స్కీం ద్వారా రూ. 24లక్షల వరకు ఆర్థిక సహాయం అందించనున్నారు.
ఈ స్కీము ద్వారా మహిళా పారిశ్రామికవేత్తలు తక్కువ వడ్డీ రేట్లకు లోన్ తీసుకోవచ్చు. రూ. 2లక్షల లోపు లోన్ కు అదనంగా 0. 5శాతం వడ్డీ రాయితీ కూడా లభిస్తుంది. రూ. 10లక్షల లోపు లోన్స్ కు పూచికత్తు అవసరం ఉండదు. ఈ స్కీమ్స్ పై ప్రాసెసింగ్ ఫీజు ఉండదు. తిరిగి చెల్లింపుల మీకు సౌకర్యవంతంగా ఉండే ఆప్షన్స్ అందుబాటులో ఉంటాయి.
వ్యాపారంలో కనీసం 51శాతం వాటా మహిళల పేరు మీద ఉండాలి. కొత్త వ్యాపారాన్ని ప్రారంభించేందుకు లేదా ఇప్పటికే ఉన్న వ్యాపారాన్ని విస్తరించేందుకు మాత్రమే ఈ లోన్ కు అప్లయ్ చేసుకోవచ్చు.
సమీపంలో ఉన్న ఎస్బీఐ బ్రాంచ్ ను సందర్శించండి. బ్యాంకు వారు ఇచ్చే అప్లికేషన్ ఫారంను పూర్తి చేసి అవసరమైన డాక్యుమెంట్స్ ను జత చేసి బ్యాంకు వారికి సమర్పించాలి.
ఆధార్ కార్డ్, పాన్ కార్డ్, వ్యాపారానికి సంబంధించిన ప్రాజెక్ట్ రిపోర్ట్, ఆదాయపత్రాలు, పాస్ పోర్ట్ సైజ్ ఫొటో ఇవ్వాలి.
బ్యాంకు మీ అప్లికేషన్ పరిశీలించిన తర్వాత మీ అర్హతలను బట్టి లోన్ ఇస్తుంది. ఆమోదించిన మొత్తం మీ బ్యాంకు ఖాతాలో జమ చేస్తుంది. ఈ స్కీమ్ మహిళలకు స్వయం ఉపాధి ప్రోత్సహించడంతోపాటు ఆర్థిక స్వావలంబన సాధించేందుకు మేలైన అవకాశం కల్పిస్తుంది. వ్యాపార రంగంలో కొత్త ఆవిష్కరణలు చేయాలని ఆశపడే మహిళలకోసం ఇది ప్రయోజనకరమైన స్కీమ్ అని చెప్పవచ్చు.
