Shilpa Shetty restaurant: బాలీవుడ్ నటి శిల్పాశెట్టి కి చెందిన రెస్టారెంట్ లో బీఎండబ్ల్యూ కారుచోరీకి గురైంది. ఈ ఘటన ప్రస్తుతం తీవ్ర చర్చనీయాంశంగా మారింది.
బాలీవుడ్ నటి శిల్పాశెట్టికి ముంబైలో ఫైన్ డ్రైనింగ్ రెస్టారెంట్ ఉంది. అయితే.. రెండు రోజుల క్రితం ఈ రెస్టారెంట్ లో కాస్లీ బీఎంబ్ల్యూ కారు చోరీకి గురైంది. దీంతో ఈ ఘటనతో కారు యజమాని పోలీసులకు ఫిర్యాదు చేశారు.
బాంద్రాకు చెందిన వ్యాపారి రుహాన్ ఖాన్.. ఈ రెస్టారెంట్ కు వెళ్లాడు అక్కడ తన కాస్లీ బీఎండబ్ల్యూ కారును రాత్రిపూట పార్క్ చేసి వెళ్లాడు. ఆ తర్వాత తెల్లవారు జామున మళ్లీ కారు కోసం చూడగా అక్కడ కన్పించలేదని సెక్యురిటీ చెప్పినట్లు తెలుస్తొంది.
దీంతో రుహాన్ ఖాన్ శిల్పాశెట్టి రెస్టారెంట్ సిబ్బందిపై తీవ్ర ఆగ్రహాం వ్యక్తం చేసినట్లు తెలుస్తొంది. అంతేకాకుండా.. బీఎండబ్ల్యూకారు కోసం అక్కడున్న సీసీ కెమెరాను చూడగా.. రాత్రి 2 గంటలకు గుర్తు తెలియని వ్యక్తి కారును తీసుకొని వెళ్తున్నట్లు రికార్డు అయ్యింది.
బాధితుడి ఫిర్యాదు మేరకు పోలీసులు రంగంలోకి దిగి ఆ ప్రాంతంలోని భద్రత సిబ్బందిని, సీసీఫుటేజీలను పరిశీలించినట్లు తెలుస్తొంది. అంతే కాకుండా.. అంతకు ముందు ఎవరి కారైన చోరీకి గురైందా.. అనుమానస్పదంగా ఎవరైన కన్పించారా అన్న కోణంలో ప్రశ్నలు వేసినట్లు తెలుస్తొంది.
అయితే..బీఎండబ్ల్యూ కారు అంటేనే ఎంతో అప్ డేటేడ్ టెక్నాలజీతో ఫీచర్స్ ఉంటాయి. అలాంటి కారును చోరీ చేయడం ప్రస్తుతం తీవ్ర చర్చనీయాంశంగా మారింది. అయితే.. కేటుగాళ్లు అధునాతన హ్యాకింగ్ పద్ధతులను ఉపయోగించి తెల్లవారుజామున 2 గంటలకు కారును దొంగిలించినట్టు పోలీసులు ప్రాథమికంగా అంచనా వేస్తున్నారు.
అయితే..చోరీకి గురైన కాస్లీ కారు..బాస్టియన్ దాదర్‌లోని కోహినూర్ స్క్వేర్‌లో 48వ అంతస్తులో ఉండడం అందరిని ఆశ్చర్యానికి గురిచేస్తుంది. అంత ఎత్తులో పార్కింగ్ లో ఉన్న కారులో చోరీ చేయడం ప్రస్తుతం పెనుదుమారంగా మారింది.
