Sania Mirza Dating Rumors: షోయాబ్ మాలిక్‌తో విడాకుల తరువాత సానియా మీర్జా రెండో పెళ్లిపై రకరకాల రూమర్లు వినిపిస్తున్నాయి. ఓ బాలీవుడ్‌ ప్రముఖ నటుడితో ఆమె డేటింగ్‌లో ఉన్నారని.. అతడినే పెళ్లి చేసుకుంటుందని గతంలో వార్తలు రాగా.. అవన్నీ ప్రచారానికే పరిమితమయ్యాయి. తాజాగా ఓ టాలీవుడ్ హీరోతో పెళ్లి పుకార్లు పుట్టించారు. ఇంతకు ఆ హీరో ఎవరు..? ఈ పుకార్లు నిజమేనా..?
టెన్నిస్‌లో అంతర్జాతీయ వేదికలపై ఎన్నో అద్భుతమైన విజయాలు సొంతం చేసుకుంది సానియా మీర్జా. 15 ఏళ్ల కెరీర్‌లో ఎన్నో రికార్డులు సాధించినా.. వ్యక్తిగత జీవితంలో మాత్రం ఎన్నో ఇబ్బందులు, అవమనాలను ఎదుర్కొన్నారు.
పాకిస్థాన్ క్రికెటర్ షోయాబ్ మాలిక్‌ను పెళ్లి చేసుకోవడంతో అప్పట్లో సానియాను దారుణంగా విమర్శించారు. అన్నింటిని భరించి.. కెరీర్‌లో రాణించింది.
అయితే షోయాబ్ మాలిక్ మరో మహిళ మాయలోపడి సానియాను దూరం పెట్టాడు. ఇద్దరు విడాకులు తీసుకుని విడిపోయారు. వీరిద్దరికి ఒక కుమారుడు ఉన్నాడు.
బ్రేకప్ తర్వాత షోయబ్ మాలిక్ మరో వివాహం చేసుకుని సెటిల్ అయిపోగా.. సానియా మీర్జా ఒంటరిగా ఉంటోంది. గత మహ్మద్‌ షమీతో పెళ్లి అంటూ ఏఐ జనరేటెట్‌ పిక్స్‌ను కొందరు వైరల్ చేసిన విషయం తెలిసిందే.
అయితే తాజాగా ఓ టాలీవుడ్ హీరోతో డేటింగ్ చేస్తున్నట్లు వార్తలు జోరుగా ప్రచారం జరుగుతోంది. ఈ రూమర్లు గతకొద్ది రోజులు బాగా హల్‌చల్‌ చేస్తున్నాయి.
దీంతో ఆ హీరో ఎవరా..? అని నెటిజన్లు ఆసక్తిగా వెతుకుతున్నారు. కొంతమంది మరో స్టెప్ ముందుకు వేసి త్వరలో అధికారిక ప్రకటన కూడా రానుందని చెబుతున్నారు. అయితే ఇదంతా ఒట్టి ప్రచారమేనని సానియా ఫ్యాన్స్ కొట్టిపారేస్తున్నారు.
ఈ ప్రచారంపై సానియా మీర్జా నుంచి ఎలాంటి స్పందన రాలేదు. ప్రస్తుతం వివిధ కంపెనీలకు ఆమె బ్రాండ్ అంబాసిడర్‌గా వ్యవహరిస్తున్నారు.
