Gun Fire In Hyderabad: తెలంగాణలో కాల్పులు కలకలం రేపాయి. హైదరాబాద్ ఒక్కసారిగా ఉలిక్కిపడింది. దొంగల ముఠా నగరంలోకి దూసుకొచ్చింది. వారిని పట్టుకునేందుకు ప్రయత్నించిన పోలీసులపై దొంగలు తుపాకీతో కాల్పులు జరిపారు. ఈ వార్త సంచలనంగా మారింది. కర్ణాటకలో జరిగిన దోపిడీ తెలంగాణకు పాకింది. ఫలితంగా నగరంలో కలకలం రేపింది. ఈ సంఘటనకు సంబంధించిన వివరాలు ఇలా ఉన్నాయి.
Also Read: KTR ED Probe: రేవంత్ రెడ్డికి కేటీఆర్ సంక్రాంతి ఆఫర్.. ప్లేస్‌.. డేట్‌ చెప్పాలని సవాల్‌
హైదరాబాద్ అఫ్జల్‌గంజ్‌లో బీదర్‌ దొంగలు పారిపోతుండగా.. కర్ణాటక పోలీసులు వారిని వెంబడిస్తున్నారు. ఈ క్రమంలో దొంగలను పట్టుకునేందుకు బీదర్‌ పోలీసులు చేరుకుని వారిని పట్టుకునే ప్రయత్నం చేశారు. ఈక్రమంలో ఓ ట్రావెల్స్ కార్యాలయంలోకి దూసుకెళ్లారు. ఆ సమయంలో పోలీసులపై ఒక రౌండ్‌ కాల్పులు జరిపారు. ఇక ట్రావెల్స్ కార్యాలయం మేనేజర్‌ను అడ్డం పట్టుకుని అతడిని చంపుతామని బెదిరింపులకు పాల్పడ్డారు. అతడిపై కూడా కాల్పులు జరిపారని సమాచారం. ఈ సంఘటనపై మరింత సమాచారం తెలియాల్సి ఉంది. కాగా సమాచారం అందుకున్న ఈస్ట్‌ జోన్‌ డీసీపీ స్థానిక పోలీసులతో కలిసి సంఘటనా వివరాలు తెలుసుకుంటున్నారు.
Also Read: TPCC Women Wing: రేవంత్ రెడ్డికి మహిళల బిగ్‌ షాక్‌.. పదవుల కోసం గాంధీ భవన్ వేదికగా వార్నింగ్
గంటల్లో రెండు రాష్ట్రాల్లో దొంగల ముఠా హల్‌చల్‌
కర్ణాటకలోని బీదర్‌లో శివాజీ చౌక్‌లో ఉన్న ఓ బ్యాంకు ఏటీఎంలో గురువారం నగదు జమ చేసేందుకు సిబ్బంది వచ్చారు. డబ్బు జమ చేస్తుండగా బైక్‌పై వచ్చిన ఇద్దరు దుండుగులు కాల్పులు చేశారు. కాల్పులకు గాయపడి భదత్రా సిబ్బందిలో ఇద్దరు మృతి చెందారు. కాల్పుల అనంతరం రూ.93 లక్షల నగదును దోచుకుని దొంగలు పారిపోయారు. వెళ్తూ తమ ఆనవాళ్లు దొరకకుండా దొంగలు కారం పొడి చల్లారు. వారు అక్కడి నుంచి పారిపోయి కొన్ని గంటల్లోనే హైదరాబాద్‌కు చేరుకున్నారు.
పోలీసులపై.. ట్రావెల్స్ యజమానిపై
ఈ విషయం తెలుసుకున్న బీదర్‌ పోలీసులు వెంటనే ఇక్కడకు వచ్చి దొంగలను కనుక్కున్నారు. వారిని అఫ్జల్‌గంజ్‌లో వెంబడించగా కాల్పుల సంఘటన చోటుచేసుకుంది. మరి హైదరాబాద్‌లో జరిగిన కాల్పుల్లో ఎవరికి ఏమైనా జరిగిందా? అనేది ఇంకా తెలియరాలేదు. పోలీసులు క్షేమంగా ఉన్నట్టు ట్రావెల్స్ మేనేజర్‌ గాయపడినట్లు సమాచారం. దీనికి సంబంధించిన వివరాలు మరిన్ని తెలియాల్సి ఉంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
