Saudi Arabia: ലെ​ബ​നാ​നി​ലെ ജ​ന​ങ്ങൾ​ക്ക് സ​ഹാ​യം തു​ട​ർന്ന് സൗ​ദി

Saudi News: ഗാസയിലെ ദു​രി​ത​മ​നു​ഭ​വി​ക്കു​ന്ന കു​ടും​ബ​ങ്ങ​ൾ​ക്ക് ആ​വ​ശ്യ​മാ​യ ഭ​ക്ഷ​ണ ​വ​സ്തു​ക്ക​ൾ വീ​ണ്ടും എ​ത്തി​ക്കാ​നു​ള്ള ന​ട​പ​ടി​ക​ൾ തു​ട​രുമെന്ന് അ​ധി​കൃ​ത​ർ.

യാം​ബു: ഇ​സ്രാ​യേ​ൽ അ​തി​ക്ര​മ​ത്തി​ൽ പൊ​റു​തി​മു​ട്ടു​ക​യും കു​ടി​യൊ​ഴി​പ്പി​ക്ക​പ്പെ​ടു​ക​യും ചെ​യ്ത ല​ബ​നാ​നി​ലെ ജ​ന​ങ്ങ​ൾ​ക്ക് സൗദി സ​ഹാ​യം തു​ട​രുന്നു. സൗ​ദി  ദേ​ശീ​യ ചാ​രി​റ്റി ഏ​ജ​ൻ​സി​യാ​യ കി​ങ് സ​ൽ​മാ​ൻ സെൻറ​ർ ഫോ​ർ ഹ്യൂ​മാ​നി​റ്റേ​റി​യ​ൻ റി​ലീ​ഫ് സെ​ന്‍റ​റി​ന്‍റെ ആ​ഭി​മു​ഖ്യ​ത്തി​ലാ​ണ് ദു​രി​താ​ശ്വാ​സ വ​സ്​​തു​ക്ക​ൾ ല​ബ​നാ​നി​ലേ​ക്ക് അ​യ​ക്കു​ന്ന​തിന്നാൻ റിപ്പോർട്ട്. 

27 മ​ത് ദു​രി​താ​ശ്വാ​സ വി​മാ​നം ഇന്നലെ ല​ബ​നാ​ൻ ത​ല​സ്ഥാ​ന ന​ഗ​ര​മാ​യ ബെ​യ്‌​റൂ​ത്തി​ലെ റ​ഫി​ഖ്​ ഹ​രി​രി അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ലെ​ത്തിയിരുന്നു.
വിമാനം റി​യാ​ദി​ലെ കിംഗ് ഖാ​ലി​ദ് അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ൽ ​നി​ന്ന് ഭ​ക്ഷ​ണം, മെ​ഡി​ക്ക​ൽ, പാ​ർ​പ്പി​ട സം​വി​ധാ​ന​ങ്ങ​ള​ട​ങ്ങി​യ വ​സ്​​തു​ക്ക​ളും വ​ഹി​ച്ചാ​ണ്​ ല​ബ​നാ​നി​ലെ​ത്തി​യ​ത്. സ​ൽ​മാ​ൻ രാ​ജാ​വി​​ന്‍റെ​യും കി​രീ​ടാ​വ​കാ​ശി അ​മീ​ർ മു​ഹ​മ്മ​ദ് ബി​ൻ സ​ൽ​മാന്റെയും നി​ർ​ദേ​ശ​ങ്ങ​ൾ പാ​ലി​ച്ചാ​ണ് ഈ സ​ഹാ​യ ദൗ​ത്യം രാ​ജ്യം തു​ട​രു​ന്ന​ത്.

ഗാസയിലെ ദു​രി​ത​മ​നു​ഭ​വി​ക്കു​ന്ന കു​ടും​ബ​ങ്ങ​ൾ​ക്ക് ആ​വ​ശ്യ​മാ​യ ഭ​ക്ഷ​ണ ​വ​സ്തു​ക്ക​ൾ വീ​ണ്ടും എ​ത്തി​ക്കാ​നു​ള്ള ന​ട​പ​ടി​ക​ൾ തു​ട​രു​ക​യാ​ണെ​ന്നും അ​ധി​കൃ​ത​ർ വ്യക്തമാക്കി. എ​ന്നാ​ൽ ദു​രി​താ​ശ്വാ​സ സാ​ധ​ന​ങ്ങ​ൾ റ​ഫ​യി​ൽ ഇ​സ്രാ​യേ​ൽ ത​ട​യു​ന്ന അ​വ​സ്ഥ തു​ട​രു​ന്ന​തായും ​റി​പ്പോ​ർ​ട്ടുണ്ട്. ജീ​വ​കാ​രു​ണ്യ സം​വി​ധാ​ന​ങ്ങ​ളു​ടെ പ​രി​ര​ക്ഷ ഉ​റ​പ്പാ​ക്കു​ന്ന അ​ന്താ​രാ​ഷ്​​ട്ര നി​യ​മ​ങ്ങ​ളു​ടെ ന​ഗ്ന​മാ​യ ലം​ഘ​ന​ങ്ങ​ൾ ന​ട​ത്തു​ന്ന ഇ​സ്രാ​യേ​ലി​നെ​തി​രെ ഇ​തി​ന​കം ലോ​ക രാ​ഷ്​​ട്ര​ങ്ങ​ളു​ടെ പ്ര​തി​ഷേ​ധ​വും നിലവിൽ കൂ​ടു​ത​ൽ ശ​ക്ത​മാ​യി​രി​ക്കു​ക​യാ​ണ്. ല​ബ​നാ​നി​ലെ ആ​ക്ര​മ​ണ​ങ്ങ​ൾ​ക്ക് ഇ​സ്രാ​യേ​ൽ പ്ര​ഖ്യാ​പി​ച്ച 60 ദി​വ​സ​ത്തെ വെ​ടി​നി​ർ​ത്ത​ൽ ആ​ശ്വാ​സം ന​ൽ​കു​ന്നു​വെ​ങ്കി​ലും രാ​ജ്യ​ത്തി​​ന്‍റെ ഭ​ദ്ര​ദ​യും സു​ര​ക്ഷ​യും ഉ​റ​പ്പാ​ക്കു​ന്ന​തി​ൽ സൗ​ദി​യു​ടെ പി​ന്തു​ണ തു​ട​രു​മെ​ന്ന് വി​ദേ​ശ മ​ന്ത്രാ​ല​യം അ​റി​യിച്ചിട്ടുണ്ട്.