स्वस्त आणि घरच्या घरी केरेटिन ट्रीटमेंट: केसांची चमक आणि मऊपणासाठी सर्वोत्तम टिप्स

कोरियन महिलांचा केसांच्या सौंदर्याची काळजी घेण्याचा एक खास प्रकार म्हणजे तांदळाचा वापर. तांदळात असलेले अमिनो ॲसिड्स, व्हिटॅमिन्स (बी, ई), खनिजे आणि अँटी-ऑक्सिडंट्स, हे सर्व गुणधर्म केसांच्या आरोग्यासाठी खूप फायदेशीर ठरतात. याचा वापर केल्याने केसांमध्ये निखार येतो, ते मऊ होतात आणि चमकदार दिसतात. 

 घरच्या घरी केरेटिन ट्रीटमेंटसाठी उपाय:
1. तांदळाची पेस्ट तयार करा: एक मुठभर तांदूळ घ्या आणि त्याला पाणी घालून उकळा. उकळल्यानंतर, तांदूळ थोडा मऊ होईल आणि त्याच्यापासून पाणी वेगळं करा.

2. फ्लेक्स सीड्स जेल तयार करा: एका कप पाण्यात दोन चमचे फ्लेक्स सीड्स टाका आणि उकळा. फ्लेक्स सीड्स पाणी जेलमध्ये रूपांतरित होतील, तेव्हा गॅस बंद करा.

3. पेस्ट तयार करा: शिजवलेला तांदूळ आणि फ्लेक्स सीड्सचे जेल एकत्र करून चांगली पेस्ट तयार करा. यामध्ये दोन चमचे अ‍ॅलोवेरा जेलही घाला. अ‍ॅलोवेरा केसांसाठी अतिशय फायदेशीर आहे, कारण ते केसांच्या मुळांना पोषण देतो आणि त्यांना हायड्रेट ठेवतो.

4. पेस्ट लावा: तयार केलेली पेस्ट केसांच्या संपूर्ण लांबीवर लावा आणि 30 मिनिटे ठेवा. 30 मिनिटांनी साध्या पाण्याने केस धुवा. हा उपाय आठवड्यातून 2 वेळा केल्याने केस मऊ होऊ लागतात.

अतिरिक्त टिप्स:
1. ताजे अ‍ॅलोवेरा जेल वापरा: घरच्या घरी अ‍ॅलोवेरा काढून त्याचं ताजं जेल वापरणे जास्त फायदेशीर आहे. अ‍ॅलोवेरा केसांच्या मुळांना पोषण देतं आणि केसांना मऊ बनवते.
2. तांदूळ पाणी वापरा: तांदळाचे पाणी देखील केसांसाठी उत्तम आहे. त्याला एकदा उकळून थंड करून, केसांना धुण्यापूर्वी त्याचं पाणी वापरू शकता. हे केसांना चमक आणि ताकद देईल.
3. संपूर्ण केसांना हे जेल लावणे: हे मिश्रण केसांना सौम्यपणे लावा आणि त्यांचा गोंधळ होऊ देऊ नका. केसांमध्ये नैसर्गिक पोषण आणि मऊपणा येण्यासाठी हे आवश्यक आहे.

 या घरगुती उपायांनी तुम्ही केरेटिन ट्रीटमेंटसारखे मऊ आणि चमकदार केस मिळवू शकता आणि तेही महागडे उपचार न करता.

(Disclaimer -वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही .कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)