Home Tips: घरात कोळी वारंवार विणतोय जाळं! या टिप्स वापरून मिळवा सुटका

Spider Web Hacks: कोळ्याचं जाळं आपल्यासाठी काही नवीन नाही. घर स्वच्छ करताना सर्वाधिक त्रास हा कोळ्यांच्या जाळ्याचा होतो. प्रत्येकवेळी भिंती आणि छत स्वच्छ करणं शक्य नसतं. त्यामुळे भिंती आणि छतावर जळमटं दिसू लागतात. घरं स्वच्छ केलं की दहा-बारा दिवसात कोळी पुन्हा एकदा आपलं जाळं विणू लागतात. वास्तुशास्त्रानुसार घरात कोळ्यांचं जाळ्याकडे नकारात्मक दृष्टीकोनातून पाहिलं जातं. त्यामुळे घरात कोळ्यांचं जाळं नकोच, अशी प्रत्येकाची भावना असते. तुमच्या घरातही कोळ्याचे जाळे होत असतील, तर ही बातमी तुमच्यासाठीच आहे. आज आम्ही तुम्हाला अशा काही टिप्स सांगणार आहोत. 

व्हिनेगर: बहुतेक घरांमध्ये स्वयंपाकघरात व्हिनेगर वापरला जातो. या पांढऱ्या व्हिनेगरने तुम्ही कोळ्याच्या जाळ्यापासूनही सुटका मिळवू शकता. यासाठी तुम्हाला एका स्प्रे बॉटलमध्ये व्हिनेगर भरावे लागेल. आता हे व्हिनेगर कोळ्याचे जाळे असलेल्या ठिकाणी स्प्रे करा. आम्ही तुम्हाला सांगतो की व्हिनेगरच्या तीव्र वासाने त्या ठिकाणी कोळ्याचे जाळे तयार होणार नाही.

लिंबू आणि संत्र्याची साले: लिंबू किंवा संत्र्याच्या सालीने कोळ्याचे जाळे काढता येतात. संत्री आणि लिंबाचा सालांना एक विशेष प्रकारचा वास येतो. त्यामुळे कोळी पळून जातात. जिथे कोळी असतात तिथे लिंबू किंवा संत्र्यासारख्या फळांची साल ठेवू शकता. त्याच्या वासामुळे कोळी त्या ठिकाणी येणार नाही.

निलगिरी तेल: कोळ्याचे जाळे काढण्यासाठी तुम्ही निलगिरीचे तेल देखील वापरू शकता. हे तेल तुम्हाला बाजारात अगदी सहज मिळते. फवारणीच्या बाटलीत थोडेसे निलगिरीचे तेल भरून कोळ्याचे जाळे असलेल्या ठिकाणी फवारावे. असे केल्याने तुम्ही कोळीला सहज पळवून लावू शकाल.

पुदीना: पुदिन्यालाही तीव्र वास असतो. त्यामुळे कोळ्याच्या जाळ्यांपासूनही सुटका मिळू शकते. यासाठी पुदिन्याच्या पानांचे पाणी स्प्रे बाटलीत भरून फवारा. पाण्याशिवाय तुम्ही पेपरमिंट ऑइलचा स्प्रे म्हणूनही वापर करू शकता.