स्टॉक मार्केट गुरू राधा किशन दमानी यांची मोठी खेळी, 'या' शेअरमध्ये वाढवली गुंतवणूक

मुंबई : RK Damani Portfolio News: शेअर बाजारातील दिग्गज गुंतवणूकदार आणि राकेश झुनझुनवाला यांचे मार्गदर्शक राधा किशन दमानी यांच्या पोर्टफोलिओमध्ये काही बदल करण्यात आले आहेत. दमानी यांनी पुन्हा एकदा सिमेंट कंपनी इंडिया सिमेंटचे शेअर्स खरेदी केले आहेत. आता त्यांच्या पोर्टफोलिओमध्ये समाविष्ट असलेल्या या कंपनीतील त्यांची भागीदारी 22.76 टक्के झाली आहे. याआधी त्यांच्याकडे कंपनीत 20.73 टक्के हिस्सा होता

कंपनीने बीएसईवर दाखल केलेल्या माहितीत ही माहिती दिली आहे. राधा किशन दमानी यांच्या पोर्टफोलिओमध्ये इंडिया सिमेंट्सचा स्टॉकची दीर्घकाळापासून गुंतवणूक आहे.

2021 मध्ये स्टॉकची कामगिरी कशी?

इंडिया सिमेंट्सच्या स्टॉकमध्ये म्यूटेड वाढ झाली आहे. 1 जानेवारी ते 21 डिसेंबर या कालावधीत या शेअर्सने सुमारे 2 टक्के नकारात्मक परतावा दिला आहे.

गेल्या 6 महिन्यांत या शेअरमध्ये सातत्याने घसरण होत असून त्याची किंमत 10 टक्क्यांहून अधिक घसरली आहे.

परंतु जर आपण दीर्घकालीन विचार केला तर, स्टॉकने 5 वर्षांमध्ये गुंतवणूकदारांना सुमारे 60 टक्के परतावा दिला आहे. स्टॉकची किंमत 5 वर्षांत 112 रुपयांवरून 177 रुपयांपर्यंत वाढली.

दमानी यांचा स्टॉकवर विश्वास 

राधा किशन दमानी यांनी या स्टॉकवर सातत्याने विश्वास व्यक्त केला आहे. आर्थिक वर्ष 2020 च्या मार्च तिमाहीत त्यांनी कंपनीत 19.89 टक्के हिस्सा घेतला होता. तेव्हापासून त्यांनी कंपनीतील आपला हिस्सा सातत्याने वाढवला आहे.

चालू आर्थिक वर्षाच्या सप्टेंबर तिमाहीच्या अखेरीपर्यंत कंपनीत त्यांच्याकडे 20.73 टक्के हिस्सा होता. जे आता 22.76 टक्के झाले आहे.

सप्टेंबर तिमाहीतील आर्थिक कामगिरी

चालू आर्थिक वर्षाच्या सप्टेंबर तिमाहीत इंडिया सिमेंटचा नफा 57 टक्क्यांनी घसरून 30 कोटी रुपयांवर आला आहे. वर्षभरापूर्वी याच तिमाहीत ते 69 कोटी रुपये होते.

सप्टेंबरच्या तिमाहीत कंपनीचा महसूल 13 टक्क्यांनी वाढून रु. 1235 कोटी झाला आहे, जो मागील वर्षीच्या तिमाहीत रु. 1090 कोटी होता.

कंपनीचा एकूण खर्च 23 टक्क्यांनी वाढून 1202 कोटी रुपये झाला आहे. इंधन आणि पेट्रोलियम उत्पादनांच्या वाढत्या किमतींमुळे मार्जिनवर दबाव होता.