पीएम मोदींना भेटल्यानंतर टेस्लाचे शेअर्स तेजीत, एलोन मस्कना 10 अब्ज डॉलर्सचा फायदा

Elon Musk Meeting With PM Modi:  पंतप्रधान नरेंद्र मोदी यांची भेट घेतल्यानंतरच इलॉन मस्कच्या संपत्तीत मोठी वाढ झाल्याचे सांगितले जात आहे. इलॉन मस्क यांनी मोदींसोबत झालेल्या भेटीत भारतात येण्याबाबत विधान केले होते. ज्याचा मस्क यांना खूप फायदा झाला आहे. यानंतर मस्क यांची कंपनी टेस्लाच्या शेअर्समध्ये जोरदार तेजी पाहायला मिळाली. एलोन मस्क यांच्या शेअर्समध्ये वाढ झाल्यामुळे कंपनीचे मार्केट कॅप सुमारे $10 अब्जने वाढले आहे. या वाढीनंतर ते श्रीमंतांच्या यादीत आणखी पुढे गेले आहेत. 

एका वर्षात 106 अब्ज डॉलर्सचा नफा

21 जून 2023 रोजी जाहीर झालेल्या आकडेवारीनुसार, एलोन मस्क यांची संपत्ती $243 अब्ज इतकी घोषित करण्यात आली आहे. गेल्या एका वर्षात इलॉन मस्क यांनी $106 बिलियन कमावले आहेत.

मस्क पीएम मोदींचे चाहते 

इलॉन मस्क यांनी पीएम मोदींसोबत झालेल्या भेटीचे वर्णन केले आहे. पीएम मोदींसोबतचे त्यांचे संभाषण खूप चांगले झाले, असेही ते म्हणाले. यासोबतच पुढील वर्षी भारतभेटीचाही आपण विचार करत असल्याचे त्यांनी यावेळी सांगितले. मी पीएम मोदींचा खूप मोठा चाहता असल्याचे ते म्हणाले.

मस्क चीनच्या दौऱ्यावर 

काही दिवसांपूर्वी मस्क चीनच्या दौऱ्यावरही गेले होते, तिथे लोकांनी मस्क यांच्यावर स्तुतीसुमने उधळली होती. चीनमधील लोकांवर इलॉन मस्क यांचा खूप प्रभाव पडला. चीन दौऱ्यात त्यांनी अनेक सरकारी अधिकाऱ्यांशी चर्चा केली होती आणि आता चीनमध्येही व्यवसाय वाढवण्याची त्यांची योजना आहे.

भारतातही व्यवसाय वाढवता येईल

इलॉन मस्क भारतात आल्याने ते भारतातही आपला व्यवसाय वाढवतील हे निश्चित झाले आहे. यापूर्वी केंद्रीय मंत्री नितीन गडकरी यांनीही याबाबत माहिती दिली आहे. इलॉन मस्क यांना त्यांची टेस्ला भारतात आणायची असेल तर त्यांना भारतात इलेक्ट्रिक वाहनांची निर्मिती करावी लागेल, असे केंद्रीय मंत्री नितीन गडकरी यांनी म्हटले आहे. यामध्ये त्यांना कोणतीही अडचण नाही, परंतु कंपनीने चीनमधून कार आयात करू नये, असेही ते म्हणाले होते.