'मी पुन्हा माफी मागतो' आता बाबासाहेबांबद्दलच्या 'त्या' विधानावरुन राहुल सोलापूरकरांनी मागितली माफी!
Rahul Solapurkar apologizes: काय म्हणाले राहुल सोलापूरकर? सविस्तर जाणून घेऊया.
)
Rahul Solapurkar apologizes: अभिनेते आणि व्याख्याते राहुल सोलापूरकर यांच्या अडचणी वाढताना दिसताय. छत्रपती शिवाजी महाराजांविषयी वादग्रस्त वक्तव्य केल्यानंतर अभिनेता राहुल सोलापूरकरवरांवर राज्यभरातून टीकेची झोड उठली. यानंतर त्यांनी माफी मागितली. त्यातच आता राहुल सोलापूरकरांच्या जुन्या विधानामुळे आता वाद निर्माण झाला आहे. त्यांनी भारतरत्न डॉ. बाबासाहेब आंबेडकर यांच्यासंदर्भात केलेले विधान समोर आले आहे. यावरुन पुन्हा वादंग निर्माण झाला. आता राहुल सोलापूरकर यांनी पुन्हा एकदा माफी मागितली आहे. काय म्हणाले राहुल सोलापूरकर? सविस्तर जाणून घेऊया.
काय म्हणाले राहुल सोलापूरकर?
मी अभिनेता आणि व्याख्याता राहुल सोलापूरकर. पुन्हा सर्व बांधवाशी संपर्क करतोय. 2 स्पष्टीकरण द्यायची आहेत. माझ्या पॉडकास्टमधील 2 वाक्य काढून प्रचंड गदारोळ माजला. हिंदवी स्वराज्याचे संस्थापक छत्रपती शिवाजी महाराज यांच्या आग्राहून सुटका या प्रसंगाविषयी बोलताना एक शब्द चुकीने केला होता. मी त्याबद्दल माफी मागितली. मला तो शब्द हा विषय नव्हता. तर मला महाराजांच्या राजनीतीविषयी बोलायचे होते. महाराजांनी कशी सुटका करुन घेतली हे मला सांगायचे होते. पण लाच हा शब्द मी चुकून वापरला, ज्याबद्दल मी जाहीर माफी मागितली.
आज पुन्हा एकदा एक विषय पुढे आलाय. भारतरत्न बाबासाहेब आंबेडकर यांच्याविषयी मी विधान केलंय असा. छत्रपती राजर्षी शाहु महाराजांची भूमिका करताना त्यात एका प्रसंगात एक विषय होता, कोण कुठल्या घरात जन्माला आला यावर त्याची जात ठरत नाही. तर तो काय करतो यावर त्याची जात ठरते.
श्रीमंत थोरले बाजीराव पेशवे भट म्हणून जन्माला आले तरी हातात तलवार घेतल्याने ते क्षत्रिय ठरतात. या न्यायाने बाबासाहेब आंबेडकर अभ्यासाने इतके विद्वान होते की त्या अर्थाने ते ब्राम्हण ठरतात. चातुरवर्णाचं वितरण आहे. यातील 2 वाक्य काढून काही लोकांची मन कलुषित करण्याचा प्रयत्न केला जातो.
40 वर्षे या क्षेत्रात वावरत असताना अनेक विषयांवर मी जगभर व्याख्यानं देतो. यांना नतमस्तक होऊन मी भाषण देतो. या सर्वांचा आदर्श घेऊनच पुढे जातो. तरीही हे का केलं जातंय, याबद्दल मी अनभिज्ञ आहे. त्यांच्याविषयी काही अपमानजनक वक्तव्य माझ्याकडून होणार नाही. जर कोणाला तसं वाटत असेल तर मी आताही पुन्हा एकदा जाहीर माफी मागतोय. राहुल सोलापूरकर हा प्रामाणिक भारतीय आहे. माझ्याकडून कुठल्याही महाव्यक्तीला कलुषित करण्याचा प्रयत्न स्वप्नातही होणार नाही. मी पुन्हा माफी मागतोय.