रामदेवबाबांच्या विरोधात काँग्रेसचं आंदोलन

www.24taas.com, झी मीडिया, मुंबई
योगगुरु रामदेवबाबा यांनी काँग्रेस उपाध्यक्ष राहुल गांधींबाबत केलेल्या विधानामुळे देशभरातल्या काँग्रेस कार्यकर्त्यांमध्ये संतापाची लाट उसळलीय. विविध भागांमध्ये बाबा रामदेव यांच्याविरोधात निदर्शनं करण्यात येत आहेत.
मुंबईतल्या दहिसरमध्ये बाबा रामदेव यांच्या पतंजली या दुकानाबाहेर काँग्रेस कार्यकर्त्यांनी आंदोलन केलं. यावेळी बाबा रामदेव यांच्याविरोधात जोरदार घोषणाबाजी करण्यात आली.
तर दुसरीकडे पुण्यात ही काँग्रेस कार्यकत्यांनी रामदेवबाबा विरोधात निदशर्न केली. रामदेव बाबाच्या निषेधाच्या घोषणा देत त्यांच्या विरोधातील फलक घेऊन कॉंग्रेस कार्यकर्ते पुण्यातील अलका टॉकीज चौकात जमा झाले होते. रामदेव बाबांवर कारवाईची मागणी करण्याची मागणी यावेळी काँग्रेस कार्यकर्त्यांनी केली.