मनसेला खिंडार पडतंय, नगरसेवकाने उचलले शिवधनुष्य

मुंबई : मुंबई महानगर पालिका निवडणुकांआधीच मनसेला खिंडार पडत चाललंय. वॉर्ड क्रमांक 126 घाटकोपर पूर्वचे मनसे नगरसेवक सुरेश आवळे यांनी आज शिवसेनेत प्रवेश केला.

सुरेश आवळे प्रभाग समिती माजी अध्यक्ष होते. मुंबई महापालिका निवडणुकांआधी मनसेतून आणखी काही नगरसेवक शिवसेनेत येण्याच्या तयारीत असल्याचा दावा शिवसेनेतून केला जातोय. 

आतापर्यंत मनसेचे चार नगरसेवकांनी शिवसेनेत प्रवेश केलाय. तर एक नगरसेवक भाजपच्या वाटेवर आहे. शिवसेना आणि भाजपमध्ये मनसेचे नगरसेवक ओढण्याची स्पर्धा सुरू आहे. त्यामुळं ही पडझड रोखण्याचं आव्हान राज ठाकरे यांच्यापुढं आहे.