IND vs AUS: कुलदीपच्या 'या' कृत्यावर संतापला कर्णधार; भर मैदानात पुन्हा एकदा शर्मा चा रूद्र अवतार समोर

Rohit Sharma Viral Video: टीम इंडियाचा कर्णधार रोहित शर्माचा (Rohit Sharma) रागीट स्वभाव प्रत्येकाला माहिती आहे. मैदानामध्ये जितका तो खोडकर आहे, तितकाच त्याला राग देखील येतो. तिसऱ्या वनडे सामन्यात देखील रोहित शर्माचा संताप (Rohit Sharma Angry) चाहत्यांना पुन्हा एकदा पहायला मिळाला. यावेळी गोलंदाज कुलदीप यादवला (Kuldeep Yadav) रोहितच्या संतापाचा सामना करावा लागला. यामध्ये रोहित शर्मा कुलदीपला अपशब्द वापरल्याचं दिसतंय. या घटनेता व्हिडीओ सोशल मीडियावर चांगलाच व्हायरल झाला आहे. 

कुलदीप यादव (Kuldeep Yadav) ने तिसऱ्या सामन्यात चांगली गोलंदाजी केली. यामध्ये 9 ओव्हर्समध्ये 53 रन्स देऊन 3 विकेट्स घेतले. मात्र यावेळी त्याच्या एका कृत्याने रोहित शर्मा चांगलाच संतापलेला दिसला. या घटनेचा व्हिडीओ सोशल मीडियावर चांगलाच व्हायरल झाला आहे. 

ऑस्ट्रेलिया फलंदाजी करत असताना कुलदीप 24 वी ओव्हर फेकत होता. यावेळी त्याच्याकडे विकेट घेण्याची उत्तम संधी होती. कुलदीपने कैरीला टाकलेला बॉल मिडल आणि लेग स्टंपवर पडल्यानंतर आत आला. हा बॉल फलंदाजाच्या थेट पॅडवर जाऊन आदळला. यावेळी संपूर्ण टीमने आऊटसाठी अपील केलं, मात्र अंपायरने ते नाकारलं.

यावेळी कुलदीपला रिव्ह्यू घ्यायचा होता. तेव्हा कुलदीप वारंवार रोहित शर्माला रिव्ह्यू घेण्यास सांगू लागला. मात्र चेंडू ऑफ स्टंपच्या बाहेर पडत असल्याचं रोहितला वाटतं होतं. अखेर कुलदीपने सतत विनंती केल्याने रोहितने रिव्ह्यू घेतला. यावेळी रविंद्र जडेजालाही फलंदाज नॉट आऊट असल्याचं माहिती होतं, त्यामुळे तो देखील हसत होता.

Oh god! What a great character Rohit Sharma  .pic.twitter.com/KfSZZYtD90

— Vishal. (@SPORTYVISHAL) March 22, 2023

कुलदीपवर संतापला रोहित

याचवेळी कुलदीप पुन्हा रोहितकडे आला आणि त्याला काहीतरी सांगितलं. यानंतर रोहितच्या चेहऱ्यावरचे भावच बदलले. रोहित चांगलाच कुलदीपवर संतापला. यावेळी रोहितने कुलदीपला चांगलंच सुनावलं. रोहित शर्मा संतापलेला पाहून विराट कोहली देखील बाजूला शांत उभा होता.

कुलदीपच्या सांगण्यावरून रोहितने रिव्ह्यू घेतला आणि तो फुकट गेला. रिव्ह्यूमध्ये बॉल स्टंप लाईनच्या बाहेर असल्याचं लक्षात दिसून आलं. अशावेळी लाइव्ह मॅचमध्येच रोहितने कुलदीप ओरडला.