कुठलंही रिचार्ज न करता अशा प्रकारे मिळवा ६ महिन्यांपर्यंत ६० जीबी फ्री डेटा

मुंबई : देशातील मोठ्या टेलिकॉम कंपन्यांपैकी एक असलेल्या एअरटेलने एक नवा प्लॅन लॉन्च केला आहे.

एअरटेलच्या नव्या ऑफरनुसार ग्राहकांना ६ महिन्यांसाठी ६० जीबी फ्री डेटा मिळणार आहे. मात्र, हा प्लॅन केवळ पोस्टपेड युजर्ससाठीच असणार आहे.

या ऑफरचा लाभ घेण्यासाठी ग्राहकांना एअरटेल टीव्ही अॅप डाऊनलोड आणि इन्स्टॉल करावं लागणार आहे. त्यानंतर २४ तासांच्या आत फ्री इंटरनेट डेटा त्यांच्या अकाऊंटमध्ये क्रेडिट केला जाणार आहे. या ऑफरनुसार युजर्सला एका महिन्यासाठी १० जीबी इंटरनेट डेटा मिळणार आहे तसेच ही सुविधा सहा महिन्यांपर्यंत मिळत राहणार आहे.

या ऑफरचा लाभ केवल माय एअरटेल अॅपच्या माध्यमातून घेता येणार आहे. ज्या ग्राहकांकडे माय एअरटेल अॅप नाहीये त्यांनी प्ले स्टोरमध्ये जाऊन डाऊनलोड करुन या ऑफरचा लाभ घेऊ शकतात.

अॅप ओपन केल्यानंतर तुम्हाला फ्री डेटाचं बॅनर दिसेल. त्यावर क्लिक केल्यास सांगितलेल्या स्टेप्स फॉलो करा. त्यानंतर तुम्हाला पुढील २४ तासांत फ्री डेटा मिळेल.