அரசாங்கம் கடந்த மார்ச் 31 வெள்ளிக்கிழமையன்று பொருளாதாரத்தில் வட்டி விகிதங்களை உறுதிப்படுத்தும் வகையில் ஏப்ரல்-ஜூன் 2023 காலாண்டில் பெரும்பாலான தபால் நிலைய சேமிப்பு திட்டங்களுக்கான வட்டி விகிதங்களை 0.7 சதவீதம் வரை உயர்த்தியுள்ளது. இதுகுறித்து நிதி அமைச்சகம் வெளியிட்டுள்ள அறிக்கையில், பிபிஎஃப் மற்றும் சேமிப்பு டெபாசிட்டுகளுக்கான வட்டி விகிதங்கள் முறையே 7.1 சதவீதம் மற்றும் 4 சதவீதமாக வைக்கப்பட்டு இருக்கும் நிலையில், மற்ற சேமிப்பு திட்டங்களுக்கான வட்டி விகிதம் 0.1 சதவீதம் முதல் 0.7 சதவீதம் வரை அதிகரித்துள்ளது என்று தெரிவித்துள்ளது. ஏப்ரல் 1 முதல் ஜூன் 30, 2023 வரையிலான காலகட்டத்தில் தேசிய சேமிப்புச் சான்றிதழின் (என்எஸ்சி) வட்டி விகிதம் 7 சதவீதத்திலிருந்து 7.7 சதவீதமாக அதிகரித்துள்ளது.
பெண் குழந்தைகளின் எதிர்கால நலனுக்காக தொடங்கப்பட்ட சேமிப்பு திட்டமான சுகன்யா சம்ரிதி திட்டத்தின் வட்டி விகிதம் 7.6 சதவீதத்தில் இருந்து 8 சதவீதமாக உயர்த்தப்பட்டுள்ளது. மூத்த குடிமக்கள் சேமிப்புத் திட்டம் மற்றும் கிசான் விகாஸ் பத்ரா (கேவிபி) ஆகியவற்றின் வட்டி விகிதம் முறையே 8.2 சதவீதம் (8 சதவீதத்தில் இருந்து) மற்றும் 7.5 சதவீதம் (7.2 சதவீதம் வரை) அதிகரித்துள்ளது. சிறு சேமிப்பு திட்டங்களுக்கான வட்டி விகிதங்கள் காலாண்டு அடிப்படையில் அறிவிக்கப்படும்.
தபால் நிலையங்களில் உள்ள ஒன் இயர் டெர்ம்-டெபாசிட் ஆனது 6.8 சதவீதம் (6.6 சதவீதம் வரை), இரண்டு ஆண்டுகளுக்கு 6.9 சதவீதம் (6.8 சதவீதம் வரை), மூன்று ஆண்டுகளுக்கு 7 சதவீதம் ( 6.9 சதவீதம்) மற்றும் ஐந்து ஆண்டுகளுக்கு 7.5 சதவீதம் (7 சதவீதம்) வரை உயர்த்தப்பட்டுள்ளது. பொது வருங்கால வைப்பு நிதியின் (பிபிஎஃப்) வட்டி விகிதம் 7.1 சதவீதமாகவும், சேமிப்பு வைப்புத் தொகையின் வட்டி விகிதம் 4 சதவீதமாகவும் உள்ளது. மாதாந்திர வருமான திட்டம் 30 அடிப்படை புள்ளிகள் அதிகரித்து 7.4 சதவீதமாக உள்ளது. ரிசர்வ் வங்கி மே மாதம் முதல் பெஞ்ச்மார்க் கடன் விகிதத்தை 2.5 சதவிகிதம் முதல் 6.5 சதவிகிதம் வரை உயர்த்தியுள்ளது. ரிசர்வ் வங்கி கடந்த மாதம் குறுகிய கால கடன் விகிதத்தை 25 அடிப்படை புள்ளிகள் உயர்த்தியது. அதனை தொடர்ந்து மே மாதத்தில் 40 அடிப்படை புள்ளிகள், ஜூன், ஆகஸ்ட் மற்றும் செப்டம்பர் மாதங்களில் 50 அடிப்படை புள்ளிகள் உயர்த்தியது குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
