தீராத மலச்சிக்கலையும் தீர்த்து வைக்கும் சிறந்த ‘வெற்றிலை’ வைத்தியம்!

மலச்சிக்கல் பிரச்சனை தோன்றும் போது, ​​அது உங்கள் ஆரோக்கியத்திற்கு மிக மோசமாக தீங்கு விளைவிக்கும். மலச்சிக்கல் உங்கள் செரிமான அமைப்பு அல்லது குடல்களை மட்டுமல்ல, உங்கள் முழு உடல் ஆரோக்கியத்தையும் பாதிக்கிறது. இருப்பினும், மலச்சிக்கலுக்கு சிகிச்சையளிக்க பல வகையான மருந்துகள் மற்றும் பிற தயாரிப்புகள் இருந்தாலும், அவற்றின் பலன்கள் தற்காலிகமானது மற்றும் மருத்துவர்கள் கூட நீண்ட காலத்திற்கு அவற்றைப் பயன்படுத்த பரிந்துரைப்பதில்லை. எனவே, உணவில் சில முக்கிய மாற்றங்களைச் செய்வது அவசியம். இந்நிலையில், வெற்றிலை இதற்கான தீர்வை (Betel leaf juice for constipation) வழங்கும். இதன் சாற்றை நீங்கள் உட்கொள்வதன் மூலம் நாள்பட்ட மலச்சிக்கலில் இருந்து விடுபடலாம் மற்றும் தொடர்ந்து பயன்படுத்தினால் எதிர்காலத்தில் மலச்சிக்கல் ஏற்படாமல் தடுக்கலாம். (மலச்சிக்கலுக்கு வெற்றிலை சாறு)

வெற்றிலையின் சாறு மலச்சிக்கலைப் போக்கும்

மலச்சிக்கல் (Constipation) போன்ற பிரச்சனைகள் இந்த நாட்களில் மிகவும் பொதுவானதாகிவிட்டன, எனவே பக்கவிளைவுகளின் ஆபத்து குறைவாக இருக்கும் வகையில் வீட்டு வைத்தியம் மூலம் மட்டுமே சிகிச்சையளிக்கப்பட வேண்டும். வெற்றிலை சாறு குடிப்பது மிகவும் நன்மை பயக்கும். குறிப்பாக மலச்சிக்கலால் அவதிப்படுபவர்கள் வெற்றிலை சாறு குடிப்பதால் மலச்சிக்கல் மருந்துகளை மீண்டும் மீண்டும் சாப்பிடுவதில் இருந்து விடுபடலாம்.

வெறும் வயிற்றில் குடிப்பதால் கிடைக்கும் நன்மைகள்

மலச்சிக்கலைப் போக்க வெற்றிலை சாறு குடிப்பவராக இருந்தால், வெறும் வயிற்றில் சாப்பிடுவது அதிக பலன் தரும். ஏனெனில் இதனை வெறும் வயிற்றில் உட்கொள்வதால் மலச்சிக்கலை போக்குவது மட்டுமின்றி செரிமானமும் மேம்படும். இதனால் எதிர்காலத்தில் மலச்சிக்கல் ஏற்படும் அபாயம் குறையும்.

சரியான வகையில் பயன்படுத்தும் முறை

இருப்பினும், வெற்றிலை சாற்றின் நன்மைகளை முழுமையாகப் பெற, அதை சரியான முறையில் உட்கொள்வது அவசியம். முதலில், இரண்டு புதிய வெற்றிலைகளை எடுத்து, பல துண்டுகளாக நறுக்கவும். அரை டம்ளர் குடிநீரை எடுத்து அதில் வெற்றிலையைச் சேர்த்து, கிரைண்டரின் உதவியுடன் சிறிது நீர் நன்கு அரைத்து, ஒரு கிளாஸில் வடிகட்டவும். இப்போது நீங்கள் வெறும் வயிற்றில் சாப்பிடலாம்.

மருத்துவரை ஆலோசிப்பதும் அவசியம்

இருப்பினும், வெற்றிலை சிலருக்கு வயிறு சம்பந்தமான பிரச்சனைகளையும் ஏற்படுத்தலாம். எனவே இதனை உட்கொள்ளும் முன் ஒருமுறை மருத்துவரை அணுகவும். முதல் நாள் ஒரு வெற்றிலையின் சாற்றைக் குடிப்பது உங்களுக்கு அறிவுறுத்தப்படுகிறது. உங்களுக்கு எந்த பிரச்சனையும் இல்லை என்றால், நீங்கள் இரண்டு இலைகளை சாறு செய்து சாப்பிடலாம்.

மலசிக்கலுக்கான உணவு முறை

மலச்சிக்கலில் இருந்து விடுபட கை வைத்தியத்துடன் கூடவே, உணவுமுறை ஆரோக்கியமானதாக இருக்க வேண்டும்.  உணவுடன் காய்கறிகளை சாப்பிடுவது மிகவும் முக்கியம், சில சமயங்களில் காய்கறிகளை தவிர்ப்பது தான், மலச்சிக்கலுக்கு மிக முக்கிய காரணம். உங்கள் உணவில் பச்சை சாலட் காய்கறிகள் மற்றும் வேக வைத்த காய்கறிகள் இரண்டையும் சேர்த்துக் கொள்ள வேண்டும். இது மட்டுமின்றி உடல் உழைப்பும் மிக அவசியம். அதனால் தான் அதிகாலையில் எழுந்து குறைந்தது 1000 அடிகள் நடக்க வேண்டும் என நிபுணர்கள் வலியுறுத்துகின்றனர். இப்படி செய்வதால் மலச்சிக்கலில் இருந்து முழுமையாக நிவாரணம் கிடைக்கும்.

பொறுப்புத் துறப்பு: இந்த கட்டுரை முற்றிலும் தகவல் நோக்கங்களுக்காக வழங்கப்படுகிறது, நீங்கள் அதைப் பயன்படுத்த விரும்பினால், முதலில் மருத்துவரை அணுகி ஆலோசனை பெறுமாறு அறிவுறுத்தப்படுகிறீர்கள்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ