Actor Vijay Wished Ajith Kumar On Phone Call : தமிழ் திரை உலகைப் பொருத்தவரை போட்டி நடிகர்களாக பார்க்கப்படுபவர்கள், விஜய்-அஜித். இருவரும் கிட்டத்தட்ட ஒரே காலத்தில்தான் திரையுலகிற்குள் வந்தனர். இருவரும் ஒரே சமயத்தில்தான் ரசிகர்களைப் பெற்று வளரவும் செய்தனர். இவர்களை பல ஆண்டுகளாக, இருவரும் எதிரிகள் என பலர் நினைத்துக் கொண்டிருக்கின்றனர். ஆனால், உண்மையில் இவர்கள் நல்ல நண்பர்களாக இருக்கின்றனர். இதற்கு சான்று, சமீபத்தில் நடந்த ஒரு சம்பவம்தான்.
அஜித்திற்கு கிடைத்த இரண்டு அங்கீகாரம்..
நடிகர் அஜித்குமாருக்கு சினிமாவைத் தாண்டி பிடித்த விஷயங்கள் நிறைய இருக்கின்றன. அதில் ஒன்று குடும்பத்தை பார்த்துக் கொள்வது, இன்னொன்று கார் ரேசில் கலந்து கொள்வது. தான் இளமையாக இருந்த காலம் முதலே மோட்டார் வாகனங்கள் மீது காதல் கொண்ட இவர், இப்போது வரை மார்க்கெட்டில் எந்தவித புதுவகையான கார்கள் அல்லது பைக்குகள் வந்தாலும் அது தனக்கு பிடித்த மாதிரி இருந்தால் அதனை வாங்கி வைத்துக் கொள்வார். சமீபத்தில் துபாயில் 24 H கார் ரேஸ் நடந்தது. இதில் அஜித் குமார் தலைமையிலான அணி, இந்தியாவை பறைசாற்றி கலந்து கொண்டது. இந்த ரேஸில் அஜித்தின் அணி மூன்றாம் இடம் பெற்றது. இது அவரை உலக அளவில் பிரபலமாக்கியது.
இதையடுத்து அஜித்திற்கு கிடைத்த இரண்டாவதாக அங்கீகாரம், பத்மபூஷன் விருது. இந்தியாவின் உயரிய விருதான இது, அஜித்திற்கு கலைத்துறையில் வழங்கப்படுகிறது. இது பலருக்கும் ஆச்சரியத்தை ஏற்படுத்தியது.
வாழ்த்து தெரிவித்தவர்கள்..
வழக்கமாக தமிழகத்திலிருந்து யாருக்கு பத்மபூஷன் விருது வழங்கப்பட்டாலும் அவர்களுக்கு பல்வேறு அரசியல் தலைவர்கள் வாழ்த்து தெரிவிப்பது வழக்கம். அந்த வகையில் முதலமைச்சர் மு.க ஸ்டாலின், துணை முதலமைச்சர் உதயநிதி ஸ்டாலின், எதிர்க்கட்சி தலைவர் எடப்பாடி பழனிசாமி உள்பட பலர் அஜித்திற்கு வாழ்த்து தெரிவித்தனர். திரை பிரபலங்களும் வரிசை கட்டி வந்து அஜித்திற்கு வாழ்த்து தெரிவித்து சமூக வலைதள பதிவுகளை வெளியிட்டனர். ஆனால், அஜித் கார் ரேசில் வெற்றி பெற்றபோதும்-அவருக்கு பத்மபூஷன் விருது அறிவிக்கப்பட்ட போதும், அமைதி காத்த ஒருவர் தமிழக வெற்றி கழகம் கட்சியின் தலைவரும் நடிகருமான நடிகர் விஜய்.
வலம் வந்த தகவல்கள்..
நடிகர் விஜய் கடந்தாண்டு தமிழக வெற்றி கழகம் கட்சியை தொடங்கிய நாள் முதல், சமூகத்தில் நடக்கும் அத்தனை பிரச்சினைகளுக்காகவும் குரல் கொடுத்து வருகிறார். எந்த தலைவரின் பிறந்தநாள் வந்தாலும், நினைவு நாள் வந்தாலும் அவர்களுக்காக ட்விட்டர் பதிவுகளை வெளியிட்டு வருகிறார். ஆனால், அஜித் கார் ரேஸில் வெற்றி பெற்ற போதும்-அவருக்கு பத்மபூஷன் விருது அறிவிக்கப்பட்ட போதும் விஜய் ஒரு வார்த்தை கூட பேசவில்லை. சும்மாவே இல்லாத ஒன்றை கதை கட்டும் சில youtube சேனல்கள், விஜய்யின் மௌனத்தை இன்னும் பெரிதாக பேச ஆரம்பித்தன. இதனால் விஜய்க்கு அஜித் மேல பொறாமை என்றும், விஜயின் அரசியல் வளர்ச்சியை தடுக்க வேண்டும் என்பதற்காகவே அஜித்திற்கு பத்மபூஷன் விருது அறிவிக்கப்பட்டிருப்பதாகவும் சிலர் கிளப்பி விட்டனர். இப்படி ஆளாளுக்கு ஒரு கதை சொல்ல, தற்போது அஜித்தின் மேனேஜர் சுரேஷ் சந்திரா கூறியிருக்கும் விஷயம் பலருக்கும் மகிழ்ச்சியை ஏற்படுத்தி உள்ளது.
அஜித்துடன் பேசிய விஜய்..
சமீபத்தில் நடந்த ஒரு பத்திரிக்கையாளர்கள் சந்திப்பில் சுரேஷ் சந்திராவிடம், விஜய் அஜித்திற்கு வாழ்த்து தெரிவிக்காதது குறித்து கேள்வி எழுப்பப்பட்டது. அதற்கு பதில் அளித்த அவர், விஜய் அஜித்திற்கு வாழ்த்து தெரிவிக்கவில்லை என பொய்யானது என கூறினார். மேலும் அஜித் கார் ரேஸில் வெற்றி பெற்ற போதும், பத்மபூஷன் விருது அறிவிக்கப்பட்ட போதும் அவருக்கு முதல் ஆளாக போன் செய்து வாழ்த்து தெரிவித்தவர் விஜய்தான் என்றும் அவர் கூறியிருக்கிறார். இருவரும் மிகச் சிறந்த நண்பர்களாக விளங்குவதாகவும் அவர் தெரிவித்தார். இதனால், விஜய்யை தவறாக பேசி வந்தவர்கள் வாயை மூடிக்கொண்டனர்.
மேலும் படிக்க | விஜய் மகனுக்கு அட்வைஸ் செய்த அஜித்! என்ன சாென்னார் தெரியுமா?
மேலும் படிக்க | அஜித்துக்கு பத்மபூஷன் விருது கிடைக்க விஜய்தான் காரணமா? என்னென்ன சொல்றாங்க பாருங்க.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
