Villain In Suriya 45 Movie : தமிழ் திரையுலகில் முக்கிய நடிகராக இருப்பவர், நடிகர் சூர்யா. பலருக்கு 2024ஆம் ஆண்டு கடினமான ஆண்டாக இருந்தது போல, சூர்யாவிற்கும் அது கஷ்டம் கொடுத்த ஆண்டாக இருந்தது. அதற்கு காரணமாக அமைந்தது கங்குவா திரைப்படம். மிகவும் ஹைப் கெடுத்து பின்னர் சரியான மேக்கிங் இல்லாததால் இப்படம் ரிலீஸிற்கு பிறகு பெரும் தோல்வி அடைந்தது. ஆனால், இதனை ஈடு செய்யும் வகையில் சூர்யாவின் 2 படங்கள் உருவாகி இருக்கிறது. அதில் ஒன்று சூர்யா 45.
கம்-பேக் கொடுக்க தயாரான சூர்யா!
நடிகர் சூர்யா நடிப்பில் கடந்த 2 ஆண்டுகளில் எந்த படங்களில் ஹீரோவாக நடிக்கவில்லை. கேமியோ ரோல்களிலேயே நடித்து வந்தார். கங்குவா படத்தை பெரிதும் எதிர்பார்த்து காத்திருந்தார். ஆனால், இந்த படம் ஊத்திக்கொண்டதால் அவருக்கு ரெட்ரோ படமும் சூர்யா 45 படமும் கம்-பேக் படங்களாக இருக்கும் எனக்கூறப்படுகிறது. ரெட்ராே படத்தை, கார்த்திக் சுப்புராஜ் இயக்க, சூர்யா 45 படத்தை ஆர்.ஜே.பாலாஜி இயக்கி வருகிறார். இந்த இரு இயக்குநர்களுமே எழுத்து மற்றும் இயக்கத்தில் வலுவானவர்கள் என்பதால் இவ்விரு படங்கள் மீதும் எதிர்பார்ப்புகள் அதிகரித்திருக்கிறது.
சூர்யா 45 படத்தில் 2 ஹீரோக்கள்!
சூர்யா 45 படத்தின் படப்பிடிப்பு, சமீபத்தில் கோயம்புத்தூரில் நடைப்பெற்றது. இதில் சூர்யா, த்ரிஷா உள்ளிட்டோர் கலந்து கொண்டனர். இதற்கிடையே நடிகர் சூர்யா வழக்கறிஞர் உடையில் இருந்த புகைப்படம் லீக் ஆனது. இதை வைத்து அவர் இப்படத்தில் வக்கீலாக நடிக்க இருப்பதை ரசிகர்கள் உறுதி செய்தனர். இந்த நிலையில்தான், சூர்யா நடிக்கும் அனைத்து காட்சிகளிலும், ஆர்.ஜே.பாலாஜியும் நடித்து வருவதாக தகவல்கள் வெளியானது.
எல்.கே.ஜி, மூக்குத்தி அம்மன், சிங்கப்பூர் சலூன், சொர்க்கவாசல் உள்ளிட்ட சில படங்களில் ஹீரோவாக நடித்த ஆர்.ஜே.பாலாஜி, சூர்யாவை வைத்து படம் இயக்குவதாகத்தான் பலர் நினைத்து கொண்டிருந்தனர். ஆனால், இவரே ஹீரோவுக்கு இணையான வில்லன் பாத்திரத்தில் நடிப்பார் என்பது யாருக்கும் தெரியவில்லை. இதுவரை காமெடி ஹீரோவாக நடித்து வந்த இவர், தற்போது வில்லன் அவதாரம் எடுக்க இருக்கிறார். இவை, வலைப்பேச்சு போன்ற தளங்களில் பேசப்படும் தகவல்தானே தவிர, இது குறித்த அதிகாரப்பூர்வ அறிவிப்பு ஏதும் வெளியாகவில்லை என்பது குறிப்பிடத்தக்கது.
படக்குழுவினர்கள்:
சூர்யா 45 படத்தை ட்ரீம் வாரியர் பிக்ஸர்ஸ் தயாரித்து வருகிறது. இதில் முக்கிய கதாப்பாத்திரங்களில் நடிப்பவர்கள் விவரம் சில நாட்களுக்கு முன்னர் வெளியானது. நடிகைகள் ஷிவதா, ஸ்வசிகா, நடிகர்கள் இந்திரன்ஸ், யோகி பாபு, நட்ராஜன் நட்டி உள்ளிட்டோர் நடிக்கின்றனர். இது வரை வெளிவந்துள்ள தகவல்களின் படி, கோயம்புத்தூரில் படப்பிடிப்பு முடிந்தவுடன், சென்னையில் நீதிமன்றம் போல செட் போடப்பட்டு ஷூட்டிங் விட்ட இடத்தில் இருந்து தொடங்கப்படும் எனக்கூறப்படுகிறது.
விலகிய ஏ.ஆர்.ரஹ்மான்..!
சூர்யா 45 படத்திற்கு முதலில் ஏ.ஆர்.ரஹ்மான் இசையமைப்பதாக இருந்தது. ஆனால், அவர் திரையுலகில் இருந்து பிரேக் எடுக்க இருப்பதால் புதிதாக 20 வயது இளைஞரான சாய் அபியங்கர் இணைந்திருக்கிறார். தனது 2 ஆல்பங்களையும் ஹிட் கொடுத்தவர் என்பதால் ரசிகர்கள் இவர் மீது நம்பிக்கை வைத்துள்ளனர். இவர் பென்ஸ் படத்திலும் கமிட்டாகியிருப்பது குறிப்பிடத்தக்கது.
கைகொடுக்கும் கூட்டணியா?
ஆர்.ஜே.பாலாஜி, சினிமாவிற்கு வந்த சில ஆண்டுகளில் துணை கதாப்பாத்திரமாக நடித்து, இப்போது எதிர்பார்ப்புக்குரிய இயக்குநராக மாறிவிட்டார். இதுவரை இவர் இயக்கிய படங்கள் விமர்சன ரீதியாகவும், பாக்ஸ் ஆபிஸிலும் ஓரளவு வெற்றி பெற்றுள்ளன. தன் படம் ஒன்று வருகிறது என்றால், அதை எந்தெந்த தளங்களில் கொண்டு சேர்க்க வேண்டும் என தெரிந்து வைத்திருக்கும் இவர், அதையும் சரியாக செய்வார். எனவே, இவர் மீது நம்பிக்கை வைத்திருக்கும் சிலர் இப்படம் கண்டிப்பாக நல்ல வரவேற்பை பெறும் என நம்புகின்றனர்.
மேலும் படிக்க | Suriya 45: சூர்யாவின் 45வது படத்தை இயக்கும் RJ பாலாஜி யார் தெரியுமா?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
