துபாய்வாசிகளுக்கு ஒரு முக்கிய செய்தி!! துபாயில் திருமணம் செய்துகொள்ளும் முஸ்லீம் அல்லாத தம்பதிகள், பிப்ரவரி 1 முதல் நடைமுறைக்கு வந்த புதிய ஃபெடரல் ஆணை-சட்டத்தின் ஒரு பகுதியாக, வெறும் 24 மணி நேரத்தில் சிவில் திருமண உரிமத்தைப் பெற முடியும். விண்ணப்பதாரர்கள் தங்கள் ஆவணங்களை PDF இல் வைத்திருந்தால், முறையாக சான்றளிக்கப்பட்ட மற்றும் அவர்களின் அசல் ஐடிகள் இருந்தால், அவர்கள் 24 மணிநேரத்தில் உரிமத்தைப் பெறலாம் என்று அமீரக வழக்கறிஞரும் சட்ட ஆலோசகருமான டயானா ஹமேட் உறுதிப்படுத்தினார்.
சில தேவைகளுக்கு ஏற்ப, குடும்ப வழக்குகளை ஒழுங்குபடுத்துவதில் சிவில் கொள்கைகளைப் பயன்படுத்துவதன் மூலம், முஸ்லீம் அல்லாத வெளிநாட்டினருக்கான குடும்ப விஷயங்களை ஒழுங்குபடுத்துவதற்காக, ‘முஸ்லிம் அல்லாதவர்களுக்கான சிவில் திருமணம்’ சேவையை துபாய் நீதிமன்றங்கள் தொடங்குவதாக அறிவித்ததாக அவர் மேலும் கூறினார்.
ஐக்கிய அரபு அமீரகத்தில் வசிக்கும் முஸ்லீம் அல்லாத குடிமக்கள் மற்றும் வெளிநாட்டினரின் திருமணம், விவாகரத்து மற்றும் வாரிசுரிமை ஆகியவற்றை 7 பக்கங்களைக் கொண்ட புதிய ஃபெடரல் தனிநபர் நிலைச் சட்டம் உள்ளடக்கியது. இது திருமண நிலைமைகள் மற்றும் நீதிமன்றங்களுக்கு முன் திருமண ஒப்பந்தம் மற்றும் ஆவணப்படுத்தல் நடைமுறைகளை ஒழுங்குபடுத்தும். மேலும் கணவன் மனைவி இருவரும் சேர்ந்தோ அல்லது ஒருவர் தனியாகவோ தொடங்கக்கூடிய விவாகரத்து நடைமுறைகளையும் இது குறிப்பிடுகிறது.
புதிய ஆணை-சட்டம் விவாகரத்துக்குப் பிறகு நிதி க்ளெய்ம்களை தீர்ப்பதற்கான நடைமுறைகளையும், குழந்தைகளுக்கான கூட்டுக் காவலின் ஏற்பாடுகளுக்கான செயல்முறைகளையும் ஏற்பாடு செய்கிறது. மேலும், இந்த ஆணை-சட்டம் பரம்பரை வாரிசு மற்றும் உயில்கள் மற்றும் தந்தைவழி சான்றுகளுக்கான நடைமுறைகளையும் தெளிவுபடுத்துகிறது.
மேலும் படிக்க | துபாயில் விண்ணைத் தொடும் வீட்டு வாடகை: ஒவ்வொரு ஆண்டும் ஏற்றம் இருக்குமா?
இது சரியான திசையில் ஒரு படியாக சட்ட நிபுணர்களால் வரவேற்கப்பட்டுள்ளது.
நிபந்தனைகள்:
டயானா ஹமடேவின் கூற்றுப்படி, புதிய சட்டம் திருமணத்தின் நிபந்தனைகளை ஒழுங்குபடுத்துகிறது. சில நிபந்தனைகள் பூர்த்தி செய்யப்பட்டால், முஸ்லிம் அல்லாதவர்கள் சிவில் முறையில் திருமணம் செய்து கொள்ள அனுமதிக்கிறது. இந்த நிபந்தனைகள்:
- இரு தரப்பினரும் (கணவன் மற்றும் மனைவி) முஸ்லிம் அல்லாதவர்களாக இருக்க வேண்டும்.
- அவர்களின் வயது 21 வயதுக்கு குறைவாக இருக்கக்கூடாது.
- அவர்களில் ஒருவருக்கு துபாய் எமிரேட்டில் வசிக்கும் இடம் இருக்க வேண்டும்.
- அவர்கள் திருமணமாகாதவர்கள் என்பதை நிரூபிக்க வேண்டும்
- அவர்கள் நேராக வர வேண்டும், அல்லது அவர்கள் சார்பாக செயல்பட ஒருவர் இருக்க வேண்டும்
- அனைத்து மின்னணு ஆவணங்களுடன் அசல் அடையாள சான்றுகளும் இருக்க வேண்டும் என்பதை கவனத்தில் கொள்ள வேண்டியது அவசியம்.
கடந்த வாரம், துபாய் குளோபல் வெட்டிங் எக்ஸலன்ஸ் (GWE) ரெட்ரீட் மற்றும் ஃபாரம், திருமணங்களுக்கு சிறந்த இடமாக துபாயை ஏன் அதிக மக்கள் தேர்வு செய்கிறார்கள் என்பதற்கான பட்டியலை வெளியிட்டது. மிக அழகான புகைப்படங்களுக்கான சூழல், ஆண்டு முழுவதும் சூரிய ஒளி, பயணத்தில் உள்ள எளிமை மற்றும் பரந்த அளவிலான உணவு வகைகள் மற்றும் ஹோட்டல்கள் ஆகியவை இலக்கு திருமணத்திற்கு (டெஸ்டினேஷன் வெட்டிங்) மக்கள் துபாயை அதிக அளவில் தேர்ந்தெடுக்கும் காரணங்களில் சில.
மேலும் படிக்க | 10 நாடுகளில் உள்ள வெளிநாடு வாழ் இந்தியர்களுக்கு UPI சேவை!!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
