இஞ்சி என்பது சமையலறையில் எளிதில் கிடைக்கும் ஒரு மசாலாப் பொருள். இது உணவின் சுவையையும், மணத்தையும் அதிகரிப்பது மட்டுமின்றி, ஆரோக்கியத்திற்கும் ஒரு வரப்பிரசாதம் எனலாம்.
இஞ்சியை தினமும் சாப்பிடுவதால் உடலுக்கு பல நன்மைகள் கிடைக்கும். தினமும் காலையில் வெறும் வயிற்றில் ஒரு சிறிய துண்டு இஞ்சியை மென்று சாப்பிடலாம். இது முடியவில்லை என்றால் காலையில் வெறும் வயிற்றில் இஞ்சி சேர்த்து கொதிக்க வைத்த நீரை அருந்தலாம். நினைத்துக்கூட பார்க்க முடியாத பல நன்மைகளை உங்கள் உடலுக்கு வழங்கும்.
இஞ்சியில் உள்ள என்சைம்கள் செரிமானத்தை மேம்படுத்துகிறது. காலையில் வெறும் வயிற்றில் இஞ்சி சாப்பிட்டால் வயிற்றில் அமிலம் சுரப்பது அதிகரித்து, உணவு எளிதில் ஜீரணமாகி மலச்சிக்கல் பிரச்சனை நீங்கும்.
உடலில் சேரும் கூடுதல் கொழுப்பை எரிக்க இஞ்சி உதவுகிறது. அதனை வழக்கமாக சாப்பிடுவது வளர்சிதை மாற்றத்தை துரிதப்படுத்துகிறது, இது எடை இழப்பை எளிதாக்குகிறது.
இதய ஆரோக்கியத்திற்கும் இஞ்சி நன்மை பயக்கும். இது மாரடைப்பு மற்றும் பக்கவாதத்தை ஏற்படுத்தும், கெட்ட கொலஸ்ட்ராலை எரித்து, இதய நோய் அபாயத்தைக் குறைக்கிறது.
நீரிழிவு நோயாளிகளுக்கும் இஞ்சி நன்மை பயக்கும். ஏனெனில் இது இரத்த சர்க்கரை அளவை கட்டுப்படுத்த உதவுகிறது.
இஞ்சி உடலில் சேரும், அழுக்குகள் மற்றும் நச்சுக்களை நீக்க உதவுகிறது. காலையில் வெறும் வயிற்றில் அருந்தக் கூடிய சிறந்த டீடாக்ஸ் பானமாக இருக்கும்.
இஞ்சியில் ஆன்டி-ஆக்ஸிடன்ட்கள் அதிகம் காணப்படுவதால், உடலின் நோய் எதிர்ப்பு சக்தியை அதிகரிக்கிறது. காலையில் வெறும் வயிற்றில் இஞ்சி சாப்பிட்டு வந்தால், நோய்களை எதிர்த்துப் போராட உடல் வலிமை பெறும்.
இஞ்சி சருமத்திற்கும் நன்மை பயக்கும். இது சருமத்தை பளபளப்பாகவும் ஆரோக்கியமாகவும் மாற்ற உதவுகிறது. இஞ்சியில் உள்ள ஆன்டி-ஆக்ஸிடன்ட்டுகள் ஃப்ரீ ரேடிக்கல்களால் ஏற்படும் பாதிப்பிலிருந்து சருமத்தைப் பாதுகாக்கிறது.
இஞ்சி கூந்தலுக்கும் நன்மை பயக்கும். இது தலை முடியை வலுவாகவும் அடர்த்தியாகவும் பராமரிக்க உதவுகிறது. இஞ்சியில் உள்ள சத்துக்கள் முடி உதிர்வதைத் தடுக்கிறது.
மன அழுத்தத்தைக் குறைக்கவும் இஞ்சி உதவுகிறது. மனதை அமைதிப்படுத்தவும், மன அழுத்தத்தை போக்கவும் உதவுகிறது.
பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.
