Fastest hundreds in T20Is: இந்தியா மற்றும் இங்கிலாந்து அணிகளுக்கு இடையேயான 5வது டி20 போட்டியில் அபிஷேக் சர்மா 37 பந்துகளில் சதம் அடித்து சாதனை படைத்துள்ளார்.
சர்வதேச டி20 கிரிக்கெட் போட்டிகளில் அதிவேக சதம் அடித்த வீரர் என்ற சாதனையை எஸ்டோனியாவை (Estonia ) சேர்ந்த சாஹில் சவுகான் படைத்துள்ளார். கடந்த ஆண்டு ஜூன் 17ம் நடைபெற்ற சைப்ரஸுக்கு (Cyprus) எதிரான போட்டியில் 27 பந்துகளில் சதம் அடித்தார்.
அடுத்ததாக ஜிம்பாப்வேயின் சிக்கந்தர் ராசா உள்ளார். காம்பியாவுக்கு எதிராக 33 பந்துகளில் சதம் அடித்துள்ளார். மொத்தமாக அந்த போட்டியில் 43 பந்துகளில் ஆட்டமிழக்காமல் 133 ரன்கள் அடித்துள்ளார்.
சிக்கந்தர் ராசாவின் சாதனைக்கு முன்பு, அதிவேக சதம் என்ற சாதனையை நமீபியாவின் ஜான் நிகோல் லோஃப்டி ஈட்டன் வைத்து இருந்தார். நேபாளத்திற்கு எதிராக 33 பந்துகளில் சதம் அடித்து இருந்தார்.
சர்வதேச டி20 போட்டியில் 35 பந்துகளில் சதம் அடித்த சாதனையை டேவிட் மில்லர், ரோஹித் ஷர்மா மற்றும் எஸ் விக்ரமசேகரா ஆகியோர் வைத்துள்ளனர்.
இந்திய அணியில் சஞ்சு சாம்சன் 40 பந்துகளிலும், திலக் வர்மா 41 பந்துகளிலும் சதம் அடித்துள்ளனர். சர்வதேச டி20 போட்டிகளில் முதல் சதம் அடித்தவர் கிறிஸ் கெய்ல் தான்.
இன்று நடைபெற்ற இங்கிலாந்துக்கு எதிரான டி20 போட்டியில் அபிஷேக் சர்மா 37 பந்துகளில் சதம் அடித்து சாதனை படைத்துள்ளார். இது அவரது 2வது சர்வதேச சதம் ஆகும்.
