புதன் ராசி மாற்றம் 2022: ஜோதிடத்தில், கிரகங்கள் மற்றும் நட்சத்திரங்களின் மாற்றம் ஒரு நபரின் வாழ்க்கையில் பலரது தாக்கத்தை ஏற்படுத்துகின்றன. ஒவ்வொரு மாதமும் சில கிரகங்கள் தங்கள் ராசியை மாற்றுகின்றன. அதன் தாக்கம் மனித வாழ்வில் தெரிகிறது. ஜூலை 17ஆம் தேதி புதன் கிரகம் கடக ராசிக்குள் நுழைய உள்ளது. புதன் கிரகத்தின் பெயர்ச்சி ஒரு நபரின் வணிகம், பங்குச் சந்தை முதலீடுகள் மற்றும் பொருளாதாரத்தை பாதிக்கிறது. இது அனைத்து 12 ராசிகளிலும் தாக்கத்தை ஏற்படுத்தினாலும், குறிப்பாக இந்த 3 ராசிகளில் இதன் தாக்கம் அதிகமாக காணப்படும். இந்த நேரம் இந்த ராசிக்காரர்களுக்கு சாதகமாக இருக்கும். இந்த அதிர்ஷ்டக்கார ராசிகளைப் பற்றி தெரிந்து கொள்வோம்.
மிதுனம்:
இந்த ராசியின் கோச்சார இடத்தில் இரண்டாம் ஸ்தானத்தில் புதனின் பெயர்ச்சி நடக்கவுள்ளது. இது செல்வம் மற்றும் பேச்சு ஆற்றலுக்கான இடமாகக் கருதப்படுகிறது. இந்த காலகட்டத்தில் மிதுன ராசிக்காரர்களுக்குதிடீர் பண ஆதாயம் ஏற்படலாம். இந்த காலகட்டத்தில் வணிகத்தில் பெரிய ஒப்பந்தங்கள் சாத்தியமாகும். இதனால் நல்ல லாபம் கிடைக்கும். கூட்டாண்மை வேலைக்கும் இந்த நேரம் சாதகமாக இருக்கும். புதன் சஞ்சாரத்தின் போது, வழக்கறிஞர்கள், மார்க்கெட்டிங் தொழிலாளர்கள் மற்றும் ஆசிரியர்கள், பேச்சு மற்றும் சந்தைப்படுத்தல் துறையுடன் தொடர்புடையவர்களுக்கு இந்த நேரம் நல்லதாக இருக்கும். மிதுன ராசிக்கு நான்காம் வீட்டிற்கு அதிபதியான புதன் இருப்பதால் தாயாரின் ஆதரவை இக்காலத்தில் பெறலாம்.தாயின் உதவியால் பணம் கிடைக்க வாய்ப்பு உண்டு.
மேலும் படிக்க | ராசி மாறுகிறார் சூரியன்: யாருக்கு ஆபத்து, யாருக்கு ஆதாயம்? முழு ராசிபலன் இதோ
கன்னி:
இந்த ராசியின் ஜாதகத்தில் இருந்து 11 ஆம் இடத்தில் புதன் சஞ்சாரம் நடக்கிறது.ஜோதிடத்தில் இது ஒரு முக்கிய வீடாக கருதப்படுகிறது. இது வருமானம் மற்றும் லாபம் தரும் இடமாக கருதப்படுகிறது. எனவே, இந்த நேரத்தில் கன்னி ராசிக்காரர்களுக்கு வருமானம் அதிகரிக்கும். தொழில், வியாபாரத்தில் வெற்றி பெறுவீர்கள். புதன் சஞ்சாரத்தின் போது வாழ்க்கை துணையுடன் இனிமையான பொழுதை செலவிடுவீர்கள். வருமான ஆதாரங்கள் அதிகரிக்க வாய்ப்பு உள்ளது. இந்த ராசியின் அதிபதியும் புதன் கிரகம் என்பதால் இக்காலம் திடீர் பண பலன்களை தரும்.
துலாம்:
பெயர்ச்சி ஜாதகத்தில் இருந்து பத்தாம் வீட்டில் புதன் பெயர்ச்சியாக உள்ளார். இது தொழில் மற்றும் வேலைக்கான ஸ்தானமாக கருதப்படுகின்றது. ஆகையால் இந்த காலகட்டத்தில் ஒரு புதிய வேலை வாய்ப்பு கிடைக்கக்கூடும். வேலை செய்பவர்களுக்கு பதவி உயர்வு, ஊதிய உயர்வு கிடைக்கும். வியாபாரம் விரிவடையும் வாய்ப்பு உள்ளது. புதன் சஞ்சாரம் உங்களின் பணி செய்யும் பாணியை மேம்படுத்தும். இதன் காரணமாக, துலா ராசிக்காரர்களுக்கு பணியிடத்தில் பாராட்டுதல்களை பெறலாம்.
(பொறுப்புத் துறப்பு: இங்கே கொடுக்கப்பட்டுள்ள தகவல்கள் பொதுவான அனுமானங்கள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | சந்திரனின் ராசியில் நுழையும் சூரியன்: இந்த ராசிகளுக்கு அடித்தது ஜாக்பாட்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
