இந்திய கிரிக்கெட் அணி, ஆப்கானிஸ்தானுக்கு எதிரான மூன்று போட்டிகள் கொண்ட டி20 தொடரில் விளையாட உள்ளது. இதன் முதல் போட்டி இன்று நடைபெற உள்ளது. டி20 உலகக் கோப்பைக்கு முன் இந்திய அணி விளையாடும் கடைசி சர்வதேச டி20 தொடர் இது ஆகும். இதனால் இந்த தொடரில் இந்தியா வெற்றி பெற முழுவீச்சுடன் விளையாட உள்ளது. மேலும் அனைத்து வீரர்களும் இந்த போட்டிக்குத் தயாராகி வருகின்றனர். மூன்று டி20 போட்டிகள் நடைபெற உள்ள இந்தத் தொடருக்கான ஏற்பாடுகள் வேகமாக நடந்து வருகின்றன. எப்படியிருந்தாலும், டி20 பார்வையில் இந்திய அணிக்கு இந்த ஆண்டு மிகவும் முக்கியமானதாக இருக்கும். இதற்குக் காரணம், இந்த ஆண்டு ஐசிசி டி20 உலகக் கோப்பையும் வர உள்ளது.
மேலும் படிக்க | IND vs AFG: ஜிதேஷ் சர்மாவா? சஞ்சு சாம்சனா? ரோஹித் எடுத்த முக்கிய முடிவு!
இந்திய அணியில் யார் யார் எடுக்க வேண்டும் என்ற விவாதங்கள் ஏற்கனவே நடந்து வருகின்றன. இந்த உலகக் கோப்பையை மேற்கிந்திய தீவுகள் மற்றும் அமெரிக்கா நடத்த உள்ளது. இதில் இந்திய அணி முற்றிலும் புதிதாக இருக்கும் என்று எதிர்பார்க்கப்படுகிறது. உலகக் கோப்பையின் போது இந்திய அணியில் இருந்து ரோஹித் சர்மா மற்றும் விராட் கோலி நீக்கப்படலாம் என்று கூட கூறப்படுகிறது. இதுவரை யாரும் அதிகாரப்பூர்வமாக எதுவும் கூறவில்லை என்றாலும், ஊடகங்களில் அப்படி ஒரு செய்தி பேசப்பட்டு வருகிறது.
டி20 உலக கோப்பையில்'ரோஹித் சர்மா மற்றும் விராட் கோலி?
இந்திய அணியின் தற்போதைய கேப்டன் ரோஹித் சர்மாவும், விராட் கோலியும் டி20 உலகக் கோப்பையில் இருந்து வெளியேறலாம். இதை பெரும்பாலோனோர் ஏற்றுக்கொள்ளாமல் இருக்கலாம். இருப்பினும், இது தான் நடப்பு உண்மை என்று பிசிசிஐ வட்டாரங்கள் தெரிவிக்கின்றன. ஐபிஎல் தொடரில் ரோகித் சர்மாவும், விராட் கோலியும் சிறப்பான ஆட்டத்தை வெளிப்படுத்தவில்லை என்றால் நிச்சயம் அணியில் இடம் பெற வாய்ப்பில்லை. ரோஹித் இல்லாத நிலையில், ஹர்திக் பாண்டியா, கே.எல்.ராகுல் ஆகியோரில் ஒருவர் கேப்டனாக செயல்பட வாய்ப்புள்ளது. பாண்டியா, ராகுல் இல்லாத நேரத்தில் சூர்யகுமார் யாதவும் அணிக்கு கேப்டனாக இருந்து ஆஸ்திரேலியா, தென்னாபிரிக்கா தொடரை வழி நடத்தினார். எனவே, இந்த உலகக் கோப்பை ரோஹித் சர்மா மற்றும் விராட் கோலிக்கு ஒரு வரப்பிரசாதமாக இருக்கும்.
டி20 உலகக் கோப்பை எப்போது?
அனைத்து அணிகளும் டி20 உலகக் கோப்பையை நோக்கியே உள்ளன. இந்த தொடர் வெஸ்ட் இண்டீஸ் மற்றும் அமெரிக்காவில் ஜூன் 1ம் தேதி முதல் ஜூன் 29ம் தேதி வரை நடக்கிறது. 20 அணிகள் பங்கேற்கும் இந்த போட்டி நாக் அவுட் உட்பட மொத்தம் 3 கட்டங்களாக நடைபெற உள்ளது. உலகக் கோப்பையில் பங்கேற்கும் 20 அணிகளும் தலா 5 பேர் கொண்ட 4 குழுக்களாகப் பிரிக்கப்படும். ஒவ்வொரு குழுவிலும் முதல்-2 இடங்களை பிடிக்கும் அணிகள் சூப்பர்-8க்குள் நுழையும். பின்னர் 8 அணிகளும் தலா 4 பேர் கொண்ட 2 குழுக்களாக பிரிக்கப்படும். சூப்பர்-8 சுற்றில் இரு பிரிவிலும் முதல் இரண்டு இடங்களைப் பிடிக்கும் அணிகள் அரையிறுதிக்கு முன்னேறும். இதில் இரண்டு அணிகள் மட்டுமே இறுதி போட்டிக்கு முன்னேறும்.
மேலும் படிக்க | IND vs AFG: முதல் டி20யில் விராட் கோலி விளையாட மாட்டார்! ரசிகர்கள் அதிர்ச்சி!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
