இன்றைய கால கட்டத்தில் கார் வாங்க எளிதில் லோன் கிடைத்து விடுவதால், எளிய மக்களும் கார்களை வாங்கும்போக்கு அதிகரித்துள்ளது. ஆனால், கார் வாங்குவது எளிது என்றாலும், பெட்ரோல்-டீசல் விலைகள் வரும் நாட்களில் குறையும் என்ற நம்பிக்கை குறைவாகவே உள்ள நிலையில், வாகன பராமரிப்பு என்பது பட்ஜெட்டுக்கு சவாலான விஷயமாகவே உள்ளது.
கார் ஓட்டும் செலவும் பராமரிப்பு செலவும் நாளுக்கு நாள் அதிகரித்துக்கொண்டே வரும் நிலையில், சில விஷயங்களை கவனத்தில் கொண்டு பின்பற்றி வந்தால், காரின் மைலேஜ் சிறப்பாக இருக்கும் என்பதோடு, பெட்ரோல் மற்றும் டீசலை மிச்சப்படுத்தி பணத்தை சேமிக்கலாம்
உங்கள் காரின் மைலேஜை மேம்படுத்த நீங்கள் கடைபிடிக்க வேண்டியவை:
1. நீங்கள் வாஅகனம் ஓட்டும் முறை அதிக முக்கியத்துவம் பெறுகிறது. திடீர் ப்ரேக் போடுதல், அதிக வேகம் போன்ற கட்டுப்பாடு இல்லாமல் ஓட்டும் பழக்கம் காரணமாக மைலேஜ் மிகவும் பாதிக்கப்படும். மென்மையான மற்றும் நிலையான ஓட்டுநர் பாணியை கடைபிடிக்க வேண்டும். இதனால், சிறந்த வகையில் எரிபொருள் மிச்சம் படுவதோடு, வாகனத்தின் ஆயுளும் அதிகரிக்கும்.
2. நெடுஞ்சாலைகளில் வேகமாக கார் ஓட்டி செல்ல சிலர் ஆசைப்பட்டாலும், மிதமான வேகத்தை பராமரிப்பது முக்கியம். பொதுவாக, வேகம் மணிக்கு 80 கிமீக்கு மேல் செல்லும் போது எரிபொருள் செலவு கணிசமாகக் குறைகிறது. வேக வரம்பை பராமரிப்பது உங்களை பாதுகாப்பாக வைத்திருப்பது மட்டுமல்லாமல், எரிபொருள் செலவு மிச்சப்படுத்தப்பட்டு உங்கள் பணத்தையும் சேமிக்கிறது.
3. உங்கள் காரில் உள்ள ஒவ்வொரு கூடுதல் கிலோகிராம் எடையும் எஞ்சினுக்கு அழுத்தத்தை கொடுக்கிறது. இது எரிபொருள் செயல்திறனை பாதிக்கிறது. தேவையற்ற பொருட்களை டிக்கியில் எடுத்து செல்வதை தவிர்க்கவும். பயன்பாட்டில் இல்லாத பொருட்களை கரில் அடைப்பதை தவிர்க்கவும்.
மேலும் படிக்க | இந்த ஜூலையில் இந்தியாவில் களமிறங்கும் புத்தும் புதிய பைக் மற்றும் கார்கள்...
4. நீண்ட நெடுஞ்சாலைகளில், நிலையான வேகத்தை பராமரிக்க க்ரூஸ் கண்ட்ரோலை பயன்படுத்தவும். த்ரோட்டிலை கைமுறையாகக் கட்டுப்படுத்துவதை விட இது அதிக எரிபொருளை சேமிக்கும்.
5. சிக்னலில் காத்திருக்கும் போதோ அல்லது ட்ராஃபிக்கில் அதிக நேரம் நிறுகும் படி இருந்தால், உங்கள் இன்ஜினை ஆஃப் செய்யவும். நீங்கள் ஒரு நிமிடத்திற்கு மேல் காரை நிறுத்தும் சூழ்நிலை வந்தால், எரிபொருளைச் சேமிக்க, குறிப்பாக நவீன கார்களில் எஞ்சினை அணைக்கவும்.
6. டயர் அழுத்தத்தை பராமரிப்பது, எரிபொருள் சிக்கனத்திற்கு வழிவகுக்கும். குறைந்த காற்றோட்ட டயர்கள் காரணமாக வாகனம் சீராக செல்ல முடியாமல், எஞ்சின் மீதான அழுத்தம் அதிகரிக்கிறது. உதிரிபாகங்கள் உட்பட உங்கள் டயர் அழுத்தத்தை தவறாமல் சரிபார்த்து, பரிந்துரைக்கப்பட்ட அளவிற்கு அவற்றை உயர்த்தவும். சரியான டயர் அழுத்தம் எரிபொருள் செயல்திறனை மேம்படுத்துவது மட்டுமல்லாமல் பாதுகாப்பையும் உறுதிபடுத்துகிறது.
7. கார் மைலேஜ் அதிகரிக்க வழக்கமான பராமரிப்பு முக்கியம். நன்கு பராமரிக்கப்படும் கார் மிகவும் திறமையாக இயங்கும்.எஞ்ஜின் ஆயில், ஏர் பிடர் மற்றும் ஸ்பார்க் பிளக் ஆகியவற்றை அடிக்கடி சோதிக்க வேண்டும். தேய்ந்து போன, சேதமடைந்த கார் பாகங்கள் எரிபொருள் சிக்கனத்தை கணிசமாக பாதிக்கும். உங்கள் காரை சிறந்த முறையில் பராமரிப்பதன் மூலம், நீங்கள் சிறந்த செயல்திறனை உறுதி செய்வதோடு, எரிபொருளில் பணத்தை மிச்சப்படுத்தலாம்.
மேலும் படிக்க | Jio vs Airtel vs Vi: 1ஜிபி டேட்டா இப்போ இவ்வளவா? எதில் விலை குறைவு?
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
