Best Selling Car: దేశంలో అత్యధికంగా అమ్ముడవుతున్న కారులో లోపాలు.. కొనడానికి ముందు ఈ విషయాలు చెక్ చేసుకోండి!

Best Selling Car 2022, Some Defects in Maruti Suzuki Baleno. నవంబర్ 2022 నెలలో మారుతి సుజుకి బాలెనో అత్యధికంగా అమ్ముడైన కారు. అయితే బాలెనోలో కొన్ని లోపాలు ఉన్నాయి.

Defects in Country Best Selling Car Maruti Suzuki Baleno: మారుతి సుజుకి.. ఈ పేరు గురించి ప్రత్యేకంగా చెప్పాల్సిన అవసరం లేదు. దక్షిణ ఆసియాలో కారులను రూపొందించే సంస్థలలో ఇదే అతి పెద్దది. అమ్మకాల్లో మారుతి సుజుకి సంస్థ ఈ ఏడాది దూసుకుపోయింది. ముఖ్యంగా ఈ సంవత్సరం ప్రారంభంలో విడుదల చేసిన బాలెనో ఫేస్‌లిఫ్ట్ వెర్షన్‌ బాగా అమ్ముడవుతోంది. నవంబర్ 2022 నెలలో మారుతి సుజుకి బాలెనో అత్యధికంగా అమ్ముడైన కారు. అయితే బాలెనోలో కొన్ని లోపాలు ఉన్నాయి. మీరు కొత్త బాలెనోను కొనుగోలు చేయాలని ప్లాన్ చేస్తున్నట్లయితే.. ఈ విషయాలను ఓసారి చెక్ చేసుకోండి. 

డీజిల్ ఇంజన్‌:
మార్కెట్లో మారుతి సుజుకి బాలెనోతో పోటీ పడుతున్న హ్యుందాయ్ i20, టాటా ఆల్ట్రోజ్ వంటి కార్లు డీజిల్ ఇంజన్‌లలో అందుబాటులో ఉన్నాయి. బాలెనోలో మాత్రం డీజిల్ ఇంజన్‌ ఎంపిక లేదు. బాలెనో కేవలం 1.2-లీటర్ పెట్రోల్ ఇంజన్‌తో వస్తుంది. ఇది కాకుండా ప్రీమియం ఆటోమేటిక్ గేర్‌బాక్స్ లేకపోవడం కూడా మైనస్.

ప్రీమియం ఫీచర్లు:
మారుతి సుజుకి కొత్త బాలెనో కారు ఫీచర్-లోడెడ్ హ్యాచ్‌బ్యాక్ అయినప్పటికీ.. వెనుక సెంటర్ ఆర్మ్‌రెస్ట్, మిడిల్ సీట్ హెడ్‌రెస్ట్, సన్‌రూఫ్, ఆపిల్ కార్‌ప్లే మరియు ఆండ్రాయిడ్ ఆటో వైర్‌లెస్ ఫంక్షన్లు, వైర్‌లెస్ స్మార్ట్‌ఫోన్ ఛార్జర్ మొదలైన కొన్ని ప్రీమియం ఫీచర్లు ఇందులో ఉండవు. 

సీట్ కుషనింగ్:
పాత మోడల్ మాదిరిగానే.. కొత్త బాలెనోలో సీట్ కుషనింగ్ చాలా మృదువుగా అనిపిస్తుంది. దీని కారణంగా దూర ప్రయాణాల సమయంలో ఇది కొంత అసౌకర్యంగా ఉంటుంది. అయితే పొడవైన వారికి లెగ్ స్పేస్ మరియు హెడ్‌రూమ్ బాగుంటుంది. 

బూట్ స్పేస్:
మునుపటి మోడల్‌తో పోలిస్తే.. బూట్ ఏరియా 21 మీటర్లు తగ్గింది. బూట్ లిప్ కూడా ఎక్కువగా ఉంటుంది. ఇది భారీ బ్యాక్‌ప్యాక్‌లను లోడ్ చేయడం మరియు అన్‌లోడ్ చేయడం ఇబ్బందిగా మారుతుంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.