L2Empuraan: ది కంప్లీట్ యాక్టర్ మోహన్ లాల్ టైటిల్ రోల్లో యాక్ట్ చేస్తోన్ చిత్రం ‘ఎల్ 2 ఎంపురాన్’. ఈ చిత్రాన్ని ప్ర‌ముఖ నిర్మాణ సంస్థ లైకా ప్రొడక్షన్స్, ఆశీర్వాద్ సినిమాస్ ప్రై.లి బ్యాన‌ర్స్‌ సంయుక్తంగా తెరకెక్కిస్తున్నాయి. మలయాళ స్టార్ హీరో పృథ్వీరాజ్ సుకుమారన్ డైరెక్షన్ లో సుభాస్కరన్, ఆంటోని పెరుంబ‌వుర్ భారీ ఎత్తున నిర్మిస్తున్నారు. ఇప్పటికే విడుదలైన ఈ మూవీ టీజర్ సోషల్ మీడియాలో దూసుకుపోతుంది. ఈ చిత్రాన్ని మార్చి 27న ప్యాన్ ఇండియా లెవల్లో మలయాళంతో పాటు తెలుగు, కన్నడ, తమిళం, హిందీలో రిలీజ్ చేస్తున్నట్టు ప్రకటించారు.
ది కంప్లీట్ యాక్టర్ మోహన్ లాల్ టైటిల్ రోల్లో యాక్ట్ చేసి 2019లో రిలీజై బ్లాక్ బ‌స్ట‌ర్ విజ‌యాన్ని సాధించిన చిత్రం ‘లూసిఫ‌ర్‌’. ప్రస్తుతం ఈ మూవీకి సీక్వెల్‌గా ‘L2ఇ ఎంపురాన్’ తెరకెక్కుతోంది. మలయాళ, తెలుగు, హిందీ, కన్నడ, త‌మిళ భాష‌ల్లో ఈ చిత్రాన్ని తెరకెక్కిస్తున్నారు. కంటెంట్ చిత్రాలతో పాటు.. స్టార్ హీరోల‌తో భారీ బ‌డ్జెట్ సినిమాలను నిర్మించే చిత్ర నిర్మాణ సంస్థ లైకా ప్రొడక్షన్స్ ఈ క్రేజీ ప్రాజెక్ట్‌తో మలయాళ సినీ ఇండస్ట్రీలో అడుగుపెడుతోంది. పృథ్వీరాజ్ సుకుమారన్ డైరెక్ట్ చేస్తున్నాడు. లూసిఫ‌ర్‌, బ్రో డాడీ చిత్రాల తర్వాత మోహన్ లాల్, పృథ్వీరాజ్ కాంబోలో వస్తోన్న మూడో చిత్రం. . ఈ క్రేజీ మూవీతో జి.కె.ఎం.త‌మిళ్‌ కుమ‌ర‌న్ నేతృత్వంలో లైకా ప్రొడక్షన్స్ అధినేత సుభాస్కరన్ మలయాళ సినీ ఇండ‌స్ట్రీలోకి అడుగు పెట్టారు. తొలి భాగం లూసిఫ‌ర్‌ హిట్ కావ‌టంతో సినిమాపై భారీ అంచనాలున్నాయి. అనౌన్స్‌మెంట్ రోజు నుంచే సినిమా ఎలా ఉంటుందోన‌ని అంద‌రూ ఎంతో ఆస‌క్తిగా ఎదురు చూస్తున్నారు. ‘L2ఇ ఎంపురాన్’ సినిమాపై ఉన్న ఎక్స్‌పెక్టేష‌న్స్‌ను నెక్ట్స్ రేంజ్‌కు తీసుకెళ్లేలా మేక‌ర్స్ ఆదివారం నాడు టీజర్ లాంచ్ ఈవెంట్‌ను గ్రాండ్ గా జరిగింది.
ప్రియదర్శిని రాందాస్ పాత్రను పోషించిన మంజు వారియర్ మాట్లాడుతూ.. ‘ఆశీర్వాద్ సినిమాస్ బ్యానర్లో ఎన్ని చిత్రాలు చేశానో కూడా నాకు గుర్తుకు లేదన్నారు. లూసిఫర్‌లో నా క్యారెక్టర్ కెరీర్ బెస్ట్‌గా నిలిచింది. ఈ సీక్వెల్‌ని కూడా ప్రేక్షకులు తప్పకుండా ఎంజాయ్ చేస్తారన్నారు.
టోవినో థామస్ మాట్లాడుతూ..ఈ చిత్రంలో తన పాత్రకు మంచి రెస్పాన్స్ వస్తుందని పృథ్వీరాజ్ నాతో చెప్పారు. ఆర్టిస్ట్‌గా జతిన్ రాందాస్ పాత్ర నాకు ఎప్పటికీ గుర్తుండిపోతుందన్నారు. ఎంపురాన్‌పై భారీ అంచాలు ఉన్నాయి. ఆ ఎక్స్ పెక్టేషన్స్ ను ఈ సినిమా తప్పుకుండా రీచ్ అవుతుందన్నారు. మోహన్ లాల్ తో స్క్రీన్ షేర్ చేసుకోవడం మరిచిపోలేని అనుభవం అన్నారు.
ఇదీ చదవండి: గడ్డకట్టే చలిలో నాగ సాదువులు నగ్నంగానే ఎందుకు ఉంటారు.. అసలు రహస్యం అదేనా..!
దర్శకుడు పృథ్వీరాజ్ సుకుమారన్ మాట్లాడుతూ.. ‘ఈ చిత్రంతో మాలీవుడ్‌లోకి ఎంట్రీ ఇస్తున్న లైకా ప్రొడక్షన్స్‌కు స్వాగతం పలికారు. వారికి ఈ ఎంపురాన్ సినిమా గొప్ప డెబ్యూ అవుతుందన్నారు. మా సోదరుడు, మా నిర్మాత ఆంటోనీ పెరుంబవూర్ ఫస్ట్ నుంచి ఈ ప్రాజెక్ట్‌కు సపోర్ట్ ఇస్తూ వస్తున్నారు. మోహన్ లాల్ లేకపోతే ఇదంతా సాధ్యమయ్యేది కాదన్నారు. ఈ ప్రయాణంలో ఆయన నాకెంతో అండగా నిలబెట్టారు. వాతావరణ పరిస్థితుల కారణంగా మోహన్ లాల్ ని ఓ వారం మొత్తం ఖాళీగా కూర్చోబెట్టాను. అప్పుడు ఆయన పరిస్థితిని అర్థం చేసుకున్నారు. సినిమా నిర్మాణం పైనే దృష్టి పెట్టమని చెప్పారు.
మోహన్ లాల్ మాట్లాడుతూ.. ‘ఆశీర్వాద్ సినిమాస్‌తో కలిసి సినిమాను నిర్మించిన లైకాకు థాంక్స్. పృథ్వీరాజ్ యాక్సిడెంటల్ డైరెక్టర్ అని ఆయన అన్నారు. కానీ అది సరి కాదు. పృథ్వీరాజ్ భారతదేశపు అత్యుత్తమ ఉత్తమ దర్శకుల్లో ఒకరవుతారు. అది ఎంతో దూరంలో లేదన్నారు. ఎంపురాన్ షూటింగ్ టైంలో మేము చాలా సవాళ్లను ఎదుర్కోవలసి వచ్చింది. ఈ మూవీని నేను ఆల్రెడీ చూసేశాను. దర్శకుడిగా పృథ్వీరాజ్ తన 100 పర్సెంట్ ఔట్ పుట్ ఇచ్చారు. ఎంపురాన్ మార్చి 27న థియేటర్లలోకి రాబోతుంది. ఈ చిత్రం మలయాళ సినిమాకు ల్యాండ్‌మార్క్‌గా నిలుస్తుందనే ఆశాభావం వ్యక్తం చేశారు.
ఇదీ చదవండి : చిరంజీవి, కీర్తి సురేష్ తల్లితో రొమాన్స్ చేసిన ఈ సినిమా తెలుసా..! అందులో మెగాస్టార్ విలన్..
ఇదీ చదవండి : ప్రస్తుత మార్కెట్ వాల్యూ ప్రకారం నాగార్జున ‘అన్నపూర్ణ స్టూడియో’ మార్కెట్ విలువ ఎంతో తెలుసా..?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.
