Niharika about Color Photo: సుహాస్, చాందిని చౌదరి హీరో హీరోయిన్లు నటించిన సినిమా కలర్ ఫోటో. చిన్న బడ్జెట్ సినిమా అయినప్పటికీ బాక్స్ ఆఫీస్ వద్ద భారీ విజయాన్ని అందుకుని జాతీయ అవార్డు కూడా సొంతం చేసుకున్న సినిమా ఇది. రొమాంటిక్ డ్రామాగా ప్రేక్షకుల ముందుకి వచ్చిన ఈ చిత్రం కమర్షియల్ గా హిట్ కాలేదు కానీ.. బోలెడు అవార్డులు అందుకుంది.
ఈ సినిమా కోసం పనిచేసిన అందరూ కొత్తవాళ్లే. కానీ ఈ సినిమా మాత్రం అప్పట్లో ఇండస్ట్రీలో మారుమ్రోగింది. టాలీవుడ్ లో పలు ప్రముఖులు కూడా చిత్ర బృందాన్ని పిలిచి మరి సత్కరించారు. తాజాగా ఒక ఇంటర్వ్యూలో మాట్లాడుతూ ఈ సినిమాలో అవకాశం వస్తే మాత్రం.. కచ్చితంగా వదులుకునే దాన్ని కాదు అని అంటుంది మెగా ప్రిన్సెస్ నిహారిక కొణిదెల.
"ఒక యాక్టర్ గా నేను ఎప్పుడూ కథలకి ప్రాధాన్యత ఉన్న సినిమాలే చేయడానికి ఇష్టపడతాను. చిన్న పాత్ర చిన్న హీరో అని నాకు బేధాభిప్రాయాలు లేవు. కానీ కొంతమంది డైరెక్టర్లు ప్రొడ్యూసర్లు మాత్రం.. నేను చిన్న సినిమాలు చేయనేమో అని వాళ్లకి వాళ్లే అనుకొని నాకు అవకాశాలు ఇవ్వరు. ఆ అనుమానంతో చాలామంది కథలు కూడా నాకు వినిపించలేదు. అప్పట్లో సందీప్ రాజ్ కలర్ ఫోటో సినిమా కోసం నన్ను అనుకున్నారట. కానీ సుహాస్ చిన్న యాక్టర్ అని.. తన పక్కన నేను చేయను అనే ఉద్దేశంతో నన్ను సంప్రదించలేదట. అసలు కథ నా వరకు రాకుండా సినిమా నేను చేస్తాను లేదా వాళ్లకి వాళ్లే ఎలా అనుకుంటారు?" అని ప్రశ్నించింది నిహారిక.
"అందుకే తమిళ్ సినిమాల మీదే ఎక్కువగా ఫోకస్ చేస్తూ ఉంటాను. అక్కడైతే నా బ్యాక్ గ్రౌండ్ నా దాకా.. వచ్చే సినిమాల మీద ప్రభావం చూపించదు" అని అంది నిహారిక. అలా డైరెక్ట్ గా చిన్న హీరోలతో సంబంధం లేదు కథ బాగుంటే.. ఎలాంటి సినిమా అయినా చేస్తాను అని చెప్పుకొచ్చింది ఈ భామ.
ఇక నిహారిక స్వయంగా ఈ మాట చెప్పడంతో.. ఇకనైనా టాలీవుడ్ నుంచి దర్శకులు నిర్మాతలు.. బడ్జెట్ తో సంబంధం లేకుండా ఆమెను సంప్రదిస్తారో లేదో వేచి చూడాలి. మరోవైపు నిహారిక నిర్మించిన కమిటీ కుర్రోళ్ళు సినిమా ప్రేక్షకుల నుంచి ఈ మంచి రెస్పాన్స్ అందుకుంటోంది.
Also Read: ఒకే టైటిల్ తో ఎన్టీఆర్ ఏఎన్ఆర్ చిరు చేసిన ఈ సినిమాలు తెలుసా..
Also Read: ఒకే రోజు విడుదలైన చిరు, కమల్ హాసన్ సినిమాలు.. దర్శకుడు కూడా ఒకడే..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter
