Tollywood hero Sharwanand met with a road accident: ఇప్పటికే టాలీవుడ్ కి సంబంధించిన మహామహులు చాలామంది దూరమవుగా ఇప్పుడు టాలీవుడ్ లో మరో షాకింగ్ న్యూస్ వెలుగులోకి వచ్చింది. టాలీవుడ్ యంగ్ హీరో శర్వానంద్ ప్రయాణిస్తున్న కారు ప్రమాదానికి గురైనట్లుగా తెలుస్తోంది. ఆయన ప్రయాణిస్తున్న బ్లాక్ కలర్ రేంజ్ రోవర్ కారు నిన్న రాత్రి ఫిలింనగర్లో అదుపుతప్పి డివైడర్ ని గుద్దినట్లు తెలుస్తోంది.
నిజానికి ముందుగా ఆయన కారులో లేరని ప్రచారం జరిగిన శర్వానంద్ ఆ సమయంలో కారులోనే ఉన్నారని ఆయనకు స్వల్ప గాయాలు కావడంతో కుటుంబ సభ్యులు హుటాహుటిన సంఘటన స్థలానికి చేరుకున్నారని తెలుస్తోంది. వెంటనే ఆయనను హాస్పిటల్ కి తరలించి ప్రధమ చికిత్స అందించాలని ఆయన ఆరోగ్యం గురించి అయితే టెన్షన్ పడాల్సిన అవసరం లేదని అంటున్నారు.
ఇక శర్వానంద్ కుటుంబ సభ్యుల నుంచి అందుతున్న సమాచారం ప్రకారం శర్వానంద్ ప్రయాణిస్తున్న కారు ఫిలింనగర్ జంక్షన్ దగ్గర అదుపుతప్పి డివైడర్ను ఢీ కొట్టిన ఘటన నిజమే అని చెబుతున్నారు. అయితే ఈ ఘటనలో ఎవరికి ఎలాంటి గాయాలు కాలేదని అందరూ క్షేమంగా ఉన్నారని వారు వెల్లడించారు. కేవలం కారుకు మాత్రమే చిన్న గీత పడిందని ఆ ఘటన జరిగిన సమయంలో డ్రైవర్ ఉన్నాడని వెంటనే ఆయన అక్కడి నుంచి కారుని ఇంటికి తీసుకు వెళ్లిపోయారని చెబుతున్నారు.
ఇది చాలా చిన్న సంఘటన అని ఇంతగా హడావుడి పడాల్సిన అవసరం కానీ ఆందోళన చెందాల్సిన అవసరం కానీ లేదని శర్వానంద్ కుటుంబ సభ్యులు చెబుతున్నారు. నిజానికి శర్వానంద్ కొద్ది నెలల క్రితం రక్షిత రెడ్డి అనే యువతీతో ఎంగేజ్మెంట్ చేసుకున్నారు జూన్ 2, 3వ తేదీలలో ఆయన వివాహ కార్యక్రమాలు కూడా ఘనంగా రాజస్థాన్లో రాయల్ వెడ్డింగ్ టైపులో జరగబోతున్నాయి. సరిగ్గా పెళ్ళికి కొద్ది రోజుల ముందే ఆయన ప్రయాణిస్తున్న కారు ప్రమాదానికి గురవడంతో ఆయన అభిమానులు అందరూ ఆందోళన వ్యక్తం చేస్తున్నారు. అయితే ఇందులో శర్వానంద్ కి ఏమీ జరగలేదని అసలు భయపడాల్సిన అవసరమే లేదని కుటుంబ సభ్యులు తేల్చి చెప్పారు.
Also Read: Mem Famous vs 2018: మొదటి రోజు రచ్చ రేపిన మేం ఫేమస్, 2018.. ఎన్ని కోట్లు వసూలు చేశాయంటే?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిTwitter , FacebooK
