మిల్కీ బ్యూటీ తమన్నా బర్త్ డే ఇవాళ. తమన్నా బర్త్ డే సందర్భంగా ఆమె నటిస్తున్న ‘సైరా’ సినిమాలోని పాత్రకు సంబంధించిన ఫస్ట్ లుక్ మోషన్ టీజర్‌ను విడుదల చేసి ఆమెకు శుభాకాంక్షలు చెప్పింది ఆ చిత్ర యూనిట్. టీజర్‌తోపాటే సినిమాలో తమన్నా క్యారెక్టర్ పేరు కూడా వెల్లడించారు. ప్రముఖ స్వాతంత్ర్య సమరయోధుడు ఉయ్యాలవాడ నరసింహా రెడ్డి రియల్ లైఫ్ స్టోరీ ఆధారంగా దర్శకుడు సురేందర్ రెడ్డి తెరకెక్కిస్తున్న ఈ సినిమాలో తమన్నా ఓ ముఖ్యమైన పాత్ర పోషిస్తోంది. కొణిదెల ప్రొడక్షన్స్ బ్యానర్‌పై రామ్ చరణ్ ఈ సినిమాని నిర్మిస్తున్నాడు. ఖైదీ నెంబర్ 150తో నిర్మాతగా మారిన రామ్ చరణ్ ఈ సినిమాతో మరోసారి నిర్మాతగా మారాడు. టాలీవుడ్ మెగాస్టార్‌తోపాటు బాలీవుడ్ మెగాస్టార్ అమితాబ్ బచ్చన్, జగ్గూభాయ్ జగపతి బాబు, నయనతార, తమిళ స్టార్ హీరో విజయ్ సేతుపతి, కన్నడ స్టార్ హీరో కిచ్చ సుదీప్ వంటి స్టార్స్ ఎందరో నటిస్తున్న ఈ సినిమాకు అమిత్ త్రివేది మ్యూజిక్ కంపోజ్ చేస్తున్నాడు.
