Tiktoker siya kakkar: సియా కక్కర్ సూసైడ్ న్యూస్ సోషల్ మీడియాను కుదిపేస్తోంది. సుశాంత్ సింగ్ రాజ్‌పుత్ ఆత్మహత్య ( Sushant singh Rajput suicide) ఇంకా మర్చిపోకముందే తాజాగా మరో సెలెబ్రిటీ ఆత్మహత్య చేసుకోవడం షాక్ ఇస్తోంది. న్యూ దిల్లీలోని ప్రీతివిహార్‌లో ఉన్న తన నివాసంలో ప్రముఖ టిక్ టాకర్ ( TikToker ) సియా కక్కర్ ఆత్మహత్య చేసుకోవడం సంచలనం సృష్టించింది. టిక్ టాకర్‌గా సెలెబ్రిటీ ( TikToker ) అయిన సియా కక్కర్ siya kakkar ) న్యూ దిల్లీలో ఇవాళ ఆత్మహత్య చేసుకుంది. ఈ విషయాన్ని ఆమె మేనేజర్ అర్జున్ సరిన్ ధృవీకరించారు. ఆమె ఆత్మహత్యకు కారణం ఇంకా తెలియలేదు. అయితే ఆత్మహత్యకు కారణం వ్యక్తిగతం కావచ్చని... ఎందుకంటే వృత్తిరీత్యా ఆమెకు బాగానే ఉందని... నిన్న రాత్రి ఓ ప్రాజెక్టు విషయంలో ఆమెతో మాట్లాడినప్పుడు నార్మల్‌గానే స్పందించిందన్నారు అర్జున్ సరిన్.
పదహారేళ్ల వయస్సులో ఉన్న టిక్ టాకర్ సియా కక్కర్ ఆత్మహత్య ఆమె అభిమానులకు షాక్‌కి గురయ్యేలా చేసింది. టిక్ టాక్‌లో తన డ్యాన్సింగ్ వీడియోలతో ఆమె పాపులరైంది. సామాజిక మాధ్యమాల్లో ఆమెకు 11 లక్షల మంది ఫాలోవర్స్ ఉన్నారు. గదర్ ఏక్ ప్రేమ్ కహానీ ( Gadar Ek Prem Kahani ) దర్శకుడు అనిల్ శర్మ ( Director Anil Sarma ) సైతం సియా కక్కర్ మరణంపై దిగ్భ్రాంతి వ్యక్తం చేశారు. ఏం జరుగుతోంది... ఇంత చిన్న వయస్సులోనే ఈ అమ్మాయి ఎందుకు ఆత్మహత్య చేసుకుంది ? తమ కుటుంబం గురించి పిల్లలు ఎందుకు ఆలోచించరంటూ ఆయన ట్వీట్ చేశారు.
ప్రముఖ బాలీవుడ్ నటుడు సుశాంత్ సింగ్ రాజ్‌పుత్ మరణం నుంచి ఇంకా కోలుకోకముందే.. ప్రముఖ టిక్ టాక్ సెలెబ్రిటీగా ఉన్న సియా కక్కర్ కూడా ఆత్మహత్య చేసుకోవడం అందర్నీ నిర్ఘాంతపరుస్తోంది.
