Grapes Benefits: ప్రకృతిలో లభించే పండ్లలో ద్రాక్ష అత్యద్బుతమైందిగా పరిగణిస్తారు న్యుట్రిషనిస్టులు. ఎందుకంటే ఇందులో ఆరోగ్యానికి కావల్సిన పోషకాలు చాలా ఎక్కువ మోతాదులో ఉంటాయి. ద్రాక్షతో కలిగే ఆరోగ్య ప్రయోజనాలు తెలుసుకుంటే ఇంకెప్పుడూ వదలరు కూడా.
ద్రాక్ష రుచిలో ఎంత మధురంగా ఉంటాయో పోషక విలువలపరంగా అంతే ముఖ్యమైనవి. రోజూ నియమిత పద్ధతిలో ద్రాక్ష పండ్లు సేవిస్తే ఆరోగ్యానికి చాలా రకాల ప్రయోజనాలు కలుగుతాయంటారు. గుండె ఆరోగ్యం నుంచి మొదలుకుని జీర్ణక్రియ మెరుగుపర్చేందుకు, ఇన్‌స్టంట్ ఎనర్జీకు, రోగ నిరోధక శక్తిని పెంచేందుకు, మానసిక ఆరోగ్యానికి ఇలా చాలా రకాలుగా ఉపయోగపడుతుంది.
ద్రాక్షలో ఉండే విటమిన్లు, యాంటీ ఆక్సిడెంట్ల కారణంగా రోగ నిరోధక శక్తి అద్భుతంగా పెరుగుతుంది. ఫలితంగా సీజనల్ వ్యాధులకు దూరం కావచ్చు. ముఖ్యంగా జలుబు, దగ్గు, తుమ్ములు, ఫ్లూ వంటి వైరల్ వ్యాధుల్ని అరికట్టడంలో చాలా ఉపయోగపడతాయి. ఇమ్యూనిటీ అనేది మనిషి ఆరోగ్యంలో అత్యంత కీలకం. ద్రాక్ష ఆరోగ్యానికి అవసరమైన న్యూట్రిషన్లను అందిస్తుంది. ముఖ్యంగా ఇందులో విటమిన్ సి, విటమిన్ కే, ఫోలేట్, మినరల్స్ కారణంగా చర్మ సంరక్షణతో పాటు ఆరోగ్యం మెరుగుపడుతుంది.
ఇటీవలి కాలంలో గుండె సంబంధిత వ్యాధులు పెరుగుతున్నాయి. ఈ సమస్య నుంచి బయటపడేందుకు ద్రాక్ష మంచిదని సూచిస్తున్నారు. ద్రాక్షలో ఉండే యాంటీ ఆక్సిడెంట్లు గుండె ఆరోగ్యాన్ని కాపాడుతాయి. గుండె సంబంధిత వ్యాధులు తలెత్తకుండా చేస్తాయి.
ద్రాక్షలో పుష్కలంగా ఉండే యాంటీ ఆక్సిడెంట్ల కారణంగా మానసిక ఆరోగ్యం మెరుగుపడుతుంది. ముఖ్యంగా ఒత్తిడి, ఆందోళన వంటివి దూరమౌతాయి. ద్రాక్షను క్రమం తప్పకుండా తీసుకోవడం వల్ల ఆరోగ్యంగా, ప్రశాంతంగా ఉంటారు.
ద్రాక్షను క్రమం తప్పకుండా తీసుకోవడం వల్ల ఇందులో ఉండే ప్రకృతి సిద్ధమైన పంచదార శరీరానికి కావల్సిన ఎనర్జీ లభిస్తుంది. శరీరానికి తాజాదనం వచ్చినట్టుంటుంది. ద్రాక్షలో ఉండే ఫైబర్ కారణంగా జీర్ణక్రియ అద్బుతంగా మెరుగుపడుతుంది. కడుపు సంబంధిత సమస్యలు దాదాపు అన్నీ తొలగిపోతాయి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
