Chinese Hackers: చైనా హ్యాకర్లు మరోసారి భారత్ లక్ష్యంగా సైబర్ దాడులకు తెగబడుతున్నట్లు వార్తలు వస్తున్నాయి. ప్రభుత్వం అండతో పని చేస్తున్న ఓ హ్యాకర్ల గ్రూప్.. ఉత్తర భారత్లోని పవర్గ్రిడ్పై దాడి చేసి కీలక సమాచారాన్ని తెలుసుకున్నట్లు ప్రైవేటు ఇంటెలీజెన్స్ సంస్థ రికార్డెడ్ ఫ్యూచర్ తాజా నివేదికలో పేర్కొంది. లద్దాఖ్ సమీపంలో ఉండే గ్రిడ్లపై దాడులు చేసినట్లు తెలిపింది.
ఉత్తరాదిలో విద్యుత్ సరఫరా, నియంత్రణకు సంబంధించి లద్దాఖ్ పవర్గ్గరిడ్ అత్యంత కీలకమైన వాటిల్లో ఒకటి. ఈ నేపథ్యంలో కనీసం ఏడు వరకు 'ఏడు డిస్పాచ్ కేంద్రాలపై' హ్యాకంర్లు దాడులు చేసి ఉంటారని నివేదిక వెల్లడించింది.
'ఇటీవలి నెలల్లో హ్యాంకర్లు కనీసం 7 భారత ప్రభుత్వ లో్డ్ సిస్పాచ్ సెంటర్లపై దాడికి తెగబడినట్లు గుర్తించాం. ముఖ్యంగా అవన్నీ రియల్టైమ్ ఆపరేషన్స్, గ్రిడ్ కంట్రోల్ వ్యవస్థలు ఉండే డిస్పాచ్ సెంటర్లే. ఇవన్నీ వివాదాస్పద భూభాగమైన లద్దాఖ్ సరిహద్దు ప్రాంతాల్లోనే అధికంగా జరుగుతున్నట్లు తెలిసింది' అని రికార్డెడ్ ఫ్యూచర్ పేర్కొంది.
టీఏజీ-38 అనే పేరుతో హ్యాంకర్ల గ్రూప్ భారత పవర్గ్రిడ్లపై దాడాలుకు తెగబడినట్లు వెల్లడించింది. ఈ గ్రూప్ గతంలో చైనా ఆర్మీ, దేశ అంతర్గత భద్రత వ్యవహారాల మంత్రిత్వ శాఖ ఆధినంలో పని చేసినట్లు తెలిపింది. ఇక హ్యాకింగ్ కోసం షాడోప్యాడ్ అనే సాఫ్ట్వేర్ను వాడినట్లు కూడా గుర్తించింది నివేదిక.
Also read: NEET 2022 Exam Date: ఖరారైన నీట్ 2022 పరీక్ష తేదీ, ఎప్పుడంటే
Also read: JEE Mains: మళ్లీ వాయిదా పడిన జేఈఈ మెయిన్స్ పరీక్షలు, తిరిగి ఎప్పుడంటే
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
