Funmoji Sushanth Mahaan New Movie: ఇటీవల సోషల్ మీడియాలో ఫేమ్‌తో చాలా మంది సినిమాల్లోకి ఎంట్రీ ఇస్తున్నారు. ఇక ఫన్‌మోజీకి ఉండే క్రేజ్ గురించి ప్రత్యేకంగా చెప్పక్కర్లేదు. యూట్యూబ్‌లో ఫన్‌మోజీ కంటెంట్‌కు చాలా మంది ఫ్యాన్స్ ఉన్నారు. ఇప్పుడు ఈ ఫన్‌మోజీ టీమ్‌ వెండితెరపై వచ్చేందుకు సిద్ధమైంది.
ఫన్‌మోజీ సుశాంత్ మహాన్ హీరోగా పరిచయం కానున్నాడు. మన్వంతర మోషన్ పిక్చర్స్, శివం సెల్యూలాయిడ్స్ బ్యానర్‌పై కె.సుధాకర రెడ్డి, రవి SM1 మూవీని నిర్మిస్తున్నారు.
తాజాగా హీరో సుశాంత్ బర్త్ డే సందర్భంగా ఈ మూవీ పోస్టర్‌ను మేకర్స్ రిలీజ్ చేశారు. పోస్టర్‌తో మూవీ కాన్సెప్ట్‌పై క్లారిటీ ఇచ్చారు.
డిఫరెంట్‌ కాన్సెప్ట్‌తో సినిమాను రూపొందిస్తున్నట్లు అర్థమవుతోంది. అడ్వెంచరస్ మూవీని రూపొందిస్తున్నట్లు మేకర్స్ హింట్ ఇచ్చారు.
హీరో లుక్ విషయానికి వస్తే.. రగ్డ్ లుక్, ఏదో సుడిగుండంలో చిక్కుకున్నట్లుగా చూపించారు.
ఫస్ట్ లుక్‌తోనే ఆడియన్స్‌లో ఓ ఇంట్రెస్ట్‌ను క్రియేట్ చేశారు. త్వరలోనే ఈ సినిమాకు సంబంధించిన అప్‌డేట్స్ రానున్నాయి.
