Year Ender 2024: అల్లు అర్జున్ హీరోగా సుకుమార్ దర్శకత్వంలో తెరకెక్కిన చిత్రం ‘పుష్ప 2’. ముఖ్యంగా ఈ చిత్రాన్నితెలుగు వాళ్ల కంటే హిందీ ప్రేక్షకులు నెత్తిన పెట్టుకున్నారు. అంతేకాదు ఈ చిత్రం బాలీవుడ్ లో రిలీజైన హిందీ డబ్బింగ్ చిత్రాల్లో కొత్త బెంచ్ మార్క్ సెట్ చేసింది. ఫస్ట్ డే వసూల్లతో పాటు అత్యధిక వసూళ్లను సాధించిన హిందీ డబ్బింగ్ చిత్రాల్లో టాప్ ప్లేస్ లో నిలిచింది. హిందీలో ఇండస్ట్రీ హిట్ అందుకుంది.
Year Ender 2024 : టాలీవుడ్ సహా పలు దక్షిణాది డబ్బింగ్ చిత్రాలు బాలీవుడ్ బాక్సాఫీస్ ను శాసిస్తున్నాయి. ముఖ్యంగా తెలుగు, కన్నడ చిత్రాలు హిందీ చిత్రాలను డామినేట్ చేస్తున్నాయి. బాహుబలి సహా మిగతా సినిమాలు బాలీవుడ్ బాక్సాఫీస్ ను ఏలాయి. తాజాగా పుష్ప 2 చిత్రం బాలీవుడ్ బాక్సాఫీస్ దగ్గర ఇండస్ట్రీ హిట్ గా నిలిచింది. మొత్తంగా బాలీవుడ్ డబ్బింగ్ చిత్రాల్లో అత్యధిక వసూళ్లను క్రియేట్ చేసింది.
1.పుష్ప 2 ది రూల్ - ఐకాన్ స్టార్ అల్లు అర్జున్ హీరోగా మైత్రీ మూవీ మేకర్స్ నిర్మాణంలో సుకుమార్ దర్శకత్వంలో తెరకెక్కిన భారీ చిత్రం ‘పుష్ప 2 ది రూల్’. ఈ మూవీ బాలీవుడ్ లో ముఖ్యంగా డబ్బింగ్ చిత్రాల్లో ఫస్ట్ డే మన దేశంలో రూ.72 కోట్ల నెట్ వసూళ్లతో టాప్ 1లో నిలిచింది. తాజాగా ఈ సినిమా ఈ రోజు రూ. 700 కోట్ల నెట్ వసూళ్లను రాబట్టే అవకాశం ఉంది. హిందీలో బాహుబలి 2 లైఫ్ టైమ్ వసూళ్లైన రూ. 511 కోట్ల నెట్ వసూళ్లతో పాటు ‘స్త్రీ 2’వసూళ్లను కూడా క్రాస్ చేసింది. పుష్ప 2 హిందీ చిత్ర పరిశ్రమలో అత్యధిక వసూళ్లు సాధించిన చిత్రంగా ఇండస్ట్రీ హిట్ గా నిలిచింది. ఈ సినిమా ముందు ముందు ఎలాంటి సెన్సేషన్ క్రియేట్ చేసింది.
2.బాహుబలి 2.. రెబల్ స్టార్ ప్రభాస్ హీరోగా రాజమౌళి డైరెక్షన్ లో తెరకెక్కిన చిత్రం ‘బాహుబలి 2’.అంతేకాదు హిందీ చిత్ర సీమలో ఇండస్ట్రీ హిట్ గా నిలిచిన తొలి ప్రాంతీయ చిత్రంగా రికార్డులకు ఎక్కింది. మొత్తంగా ఈ చిత్రం రూ. 511 కోట్ల నెట్ వసూళ్లతో సౌత్ డబ్బింగ్ చిత్రాల్లో టాప్ లో ఉంది. తాజాగా పుష్ప 2 సినిమా టాప్ 1 నుంచి టాప్ 3లోకి వెళ్లింది.
3.కేజీఎఫ్ 2 .. కన్నడ స్టార్ యశ్ హీరోగా ప్రశాంత్ నీల్ దర్శకత్వంలో తెరకెక్కిన చిత్రం ‘కేజీఎఫ్ 2’. కోలార్ గోల్డ్ ఫీల్డ్స్ 2’ చిత్రం .. హిందీ బాక్సాఫీస్ దగ్గర విడుదలైన డబ్బింగ్ సినిమాల్లో ఫస్ట్ డే మన దేశంలో రూ. 53.95 కోట్ల నెట్ వసూళ్లను రాబట్టింది. ఈ సినిమా హిందీ డబ్బింగ్ చిత్రాల్లో రూ. 435.2 నెట్ వసూళ్లతో టాప్ 2 నుంచి పుష్ప 2 రాకతో టాప్ 3లోకి నిలిచింది.
4. కల్కి 2898 AD.. రెబల్ స్టార్ ప్రభాస్ హీరోగా నాగ్ అశ్విన్ దర్శకత్వంలో తెరకెక్కిన చిత్రం ‘కల్కి 2898 AD’. ఈ మూవీ హిందీ బాక్సాఫీస్ దగ్గర రూ. 294.50 కోట్ల నెట్ వసూళ్లను రాబట్టి టాప్ 4లో కొనసాగుతుంది.
5.RRR.. రాజమౌళి దర్శకత్వంలో ఎన్టీఆర్, రామ్ చరణ్ హీరోలుగా తెరకెక్కిన చిత్రం ‘ఆర్ఆర్ఆర్’. ఈ సినిమా హిందీ డబ్బింగ్ చిత్రాల్లో మన దేశంలో రూ.276.8 కోట్ల నెట్ వసూళ్లను సాధించింది.
