ముఖ్యమంత్రి కేసీఆర్ ఇవాంకా ట్రంప్ కు సర్ ప్రైజ్ గిఫ్ట్ ఇస్తున్నారు. పాత సాంప్రదాయాన్ని కొనసాగిస్తూనే ఆయన ఆ గిఫ్ట్ ను అందజేయనున్నారు. నవంబర్ 29వ తేదీ గోల్కొండ కోటలో ప్రత్యేకంగా ఏర్పాటుచేసిన విందుకు ఇవాంకా ట్రంప్ హాజరవుతారు. ఆమెతో విదేశీ ప్రముఖులు కూడా హాజరుకానున్నారు. వీరికి ఏ గిఫ్ట్ ఇస్తే బాగుంటుందని ముఖ్యమంత్రి సంబంధిత అధికారులను అడిగారట. వారు పాత్ర సంప్రదాయాన్ని కొనసాగిస్తే బాగుంటుందని సూచించారట.
గతంలో చంద్రబాబు హయాంలో హైదరాబాద్ కు వచ్చిన బిల్ క్లింటన్ కు, రాజశేఖర్ రెడ్డి హయాంలో వచ్చిన జార్జి బుష్ కు చార్మినార్ జ్ఞాపికను అందచేశారు. నగర సందర్శనకు వచ్చిన ఇతర విదేశీ ప్రముఖులకు కూడా ఇదే జ్ఞాపికను అందజేశారు. ఇప్పుడు ఈ పాత సమాప్రదాయాన్నే కొనసాగిస్తూ ఇవాంకాకు చార్మినార్ జ్ఞాపికతో పాటు మరిన్ని బహుమతులు జోడించనున్నారు.
విశ్వసనీయ సమాచారం ప్రకారం, గోల్కొండ కోటలో విందుకు హాజరయ్యే ఇవాంకాకు ముఖ్యమంత్రి కేసీఆర్ చార్మినార్ మెమొంటోతో పాటు హైదరాబాద్ స్వర్ణకారులు ప్రత్యేకంగా తయారుచేసిన బంగారు నగలు, గద్వాల్, సిరిసిల్ల నేతలు అల్లిన చీరలు అందజేయనున్నారు. ఏఏ బహుమతులు గిఫ్ట్ లో ఉంచాలన్నది కేసీఆర్ నిర్ణయిస్తారు. విందుకు హాజరయ్యే విదేశీ ప్రముఖులకు చార్మినార్ మెమొంటో అందజేస్తారు.
