Live Blog
YS Sharmila Arrest Live Updates: వైఎస్ఆర్టీపీ అధ్యక్షురాలు వైఎస్ షర్మిలను పోలీసులు అరెస్ట్ చేశారు. ఆమె ఇంటి నుంచి బయటకు రాకుండా పోలీసులు అడ్డుకోవడంతో వాగ్వాదం చోటు చేసుకుంది. ఈ క్రమంలో షర్మిల కారులో ఎక్కేందుకు ప్రయత్నించగా.. పోలీసులు ఆపేశారు. ఆమెను ముందుకు రానీయకుండా అడ్డుగా నిలబడ్డారు. షర్మిలకు పోలీసులు సర్దిజెప్పే ప్రయత్నం చేసినా.. పోలీసులను ముందుకు తోసుకుంటూ షర్మిల వెళ్లేందుకు ప్రయత్నించారు. తనను ఎందుకు అడ్డుకుంటున్నారని షర్మిల నిలదీస్తూ.. రోడ్డుపైనే బైఠాయించారు. ఆమెను అరెస్ట్ అదుపులోకి తీసుకునే క్రమంలో పోలీసులపై చేయి చేసుకున్నారు. చివరకు అరెస్ట్ చేసి జూబ్లీహిల్స్ పోలీస్ స్టేషన్‌కు తరలించారు.
