హైదరాబాద్: సీపీఐ సీనియర్ నేత, మాజీ ఎమ్మెల్యే గుర్రం యాదగిరి రెడ్డి మృతి పట్ల ముఖ్యమంత్రి కె.చంద్రశేఖర్ రావు సంతాపం తెలిపారు. ఉమ్మడి నల్గొండ జిల్లాలోని రామన్నపేట నియోజకవర్గం నుంచి సీపీఐ తరపున 1985 నుంచి 1994 వరకు వరుసగా మూడుసార్లు ఎమ్మెల్యేగా ఎన్నికైన యాదగిరి రెడ్డి నిరాడంబరుడనీ, చివరివరకూ ఆ పార్టీ సిద్ధాంతాలకు కట్టుబడి ఉన్నారని గుర్తు చేసుకున్నారు. వారి కుటుంబ సభ్యులకు ముఖ్యమంత్రి ప్రగాఢ సానుభూతిని ప్రకటిస్తున్నట్టు తెలిపారు.
పూర్వ నల్గొండ జిల్లాలోని రామన్నపేట నియోజకవర్గం నుంచి సీపీఐ తరపున 1985, 1989, 1994లో గుర్రం యాదగిరి రెడ్డి శాసన సభ్యునిగా ఎన్నికైన సంగతి తెలిసిందే.
