विषारी वनस्पती असूनही कण्हेरची फुलं आहेत अनेक रोगांवर रामबाण उपाय, असा करा वापर

Benefits of Nerium oleander: कण्हेर किंवा कण्हेरी म्हणून ओळखली जाणारी ही भारतीय वंशाची वनस्पती आहे. कण्हेर ही विषारी वनस्पती असली तरी याने अनेक गुणकारी फायदे आहेत. औषधी गुणधर्मांनी परिपूर्ण कण्हेरची फुले आणि त्याची पानेही अत्यंत फायदेशीर आहेत. हा पाइल्स (मूळव्याध), सांधेदुखी, हृदयाचे आरोग्य, पचनसंस्था आणि त्वचारोग यांसाठी उपयुक्त आहे. मात्र, याचा योग्य प्रमाणातच वापर करणे गरजेचे आहे. जाणून घ्या कोणत्या आजारावर कण्हेरचा वापर कसा करावा.

मुळव्याध आणि सांधेदुखीवर उपयुक्त

आजकाल अनियमित जीवनशैलीमुळे मुळव्याध आणि सांधेदुखीच्या तक्रारी वाढल्या आहेत. कण्हेराच्या फुलांमध्ये ऍंटी-इंफ्लेमेटरी (दाह कमी करणारे) आणि दुखणे कमी करणारे गुणधर्म असतात.

कसा करावा वापर?

• मुळव्याधासाठी कण्हेरची फुले वाळवून त्याची पावडर बनवा आणि रोज सकाळी कोमट पाण्यासोबत घ्या. यामुळे सूज आणि वेदना कमी होण्यास मदत होते.
• सांधेदुखीसाठी कण्हेरची फुले मोहरीच्या तेलात गरम करून दुखणाऱ्या सांध्यांवर लावल्याने चांगला परिणाम पहायला मिळतो. मात्र, तेल लावल्यानंतर काही वेळ उन्हात जाणे टाळावे.

त्वचारोगांवर फायदेशीर

कण्हेरमध्ये अ‍ॅटीबॅक्टेरियल आणि अ‍ॅटीफंगल गुणधर्म असतात, त्यामुळे खाज, अ‍ॅक्जिमा आणि बुरशीजन्य संसर्ग यांसाठी फायदेशीर ठरतो.

कसा करावा वापर?

• कण्हेरची फुले नारळाच्या तेलात उकळून त्वचेला लावल्यास त्वचारोगांवर मात करता येते.
• फुलांचे आणि पानांचे पेस्ट बनवून त्वचेला लावण्यानेही खाज आणि संसर्ग कमी होऊ शकतो.
• त्वचा संवेदनशील असलेल्यांनी तज्ज्ञांच्या मार्गदर्शना खालीच उपाय करावा.

हृदयासाठी लाभदायक

कण्हेरच्या फुलांमध्ये काही असे गुण असतात, जे हृदयातील रक्तवाहिन्या मजबूत करण्यास आणि रक्तदाब नियंत्रित करण्यास मदत करतात.

कसा करावा वापर?

• हृदय निरोगी ठेवण्यासाठी कण्हेराच्या फुलांचा अर्क प्यावा. याशिवाय कण्हेरची पाने उकळून त्याचा रस घेता येतो.
• हे पेय जास्त प्रमाणात प्यायल्याने ब्लड प्रेशर असंतुलित होऊ शकतो.

 हे ही वाचा: ब्राउन की व्हाइट ब्रेड? आरोग्यासाठी काय खाणं चांगलं? जाणून घ्या आरोग्यतज्ज्ञ काय सांगतात 

 पचनसंस्थेसाठी मदतरूप

कण्हेरची फुले अपचन, गॅस, अ‍ॅसिडिटी किंवा बद्धकोष्ठता यांसाठी फायदेशीर असतात.

कसा करावा वापर?

• फुले वाळवून पावडर तयार करून एक चिमूटभर कोमट पाण्यासोबत प्यायल्याने पचनक्रिया सुधारते.
• कण्हेरच्या मुळांचा रसदेखील पचनसंस्थेसाठी लाभदायक ठरतो.
• मात्र, जास्त प्रमाणात सेवन केल्यास पोटात दुखणे किंवा मळमळ होऊ शकते, त्यामुळे मर्यादित प्रमाणातच घ्यावे.

(Disclaimer: इथे देण्यात आलेली माहिती ही सर्वसामान्य ज्ञानावर आधारित आहे. याबद्दल डॉक्टर किंवा तज्ज्ञांचा सल्ला घ्यावा. संबंधित माहितीसाठी ZEE 24 Taas जबाबदार नसेल.)