बजरंगी भाईजान’च्या तयारीला लागला सलमान खान!

मुंबई: ‘किक’ या चित्रपटात सलमान खाननं केलेली ‘डेविल’ ही भूमिका प्रेक्षकांना खूप आवडली. बॉक्स ऑफिसवर परत एकदा सलमानचा डंका वाजणार आहे. सलमानचा आगामी चित्रपट ‘बजरंगी भाईजान’ यामधून तो परत एकदा प्रेक्षकांचा भेटीला येणार आहे. हा चित्रपट कबीर खानचा असून सलमान जोरदार तयारीला लागला आहे. या चित्रपटाचं शूटिंग नोव्हेंबरपासून दिल्ली, राजस्थान, पंजाब आणि काश्मीरमध्ये होणार आहे.

सलमान ‘बॉडीगार्ड’नंतर पुन्हा करीना कपूर सोबत दिसणार आहे. बॉडीगार्डमधील दोघांच्या ऑनस्क्रीन केमेस्ट्रीला प्रेक्षकांची खूप पंसती मिळाली होती. बॉडीगार्डनं 100 कोटींच्या कल्बमध्ये एंट्री केली होती. 

सलमान या चित्रपटात वडिलांच्या भूमिकेत दिसणार आहे. तसंच दिग्दर्शक कबीर खान आणि त्यांची टीम जुनिअर सलमान खानच्या शोधात आहे. कबीर अशा मुलाचा शोधात आहे. ज्याचा चेहरा सलमान खानशी मिळता जुळता असेल. विशेष बाब म्हणजे या चित्रपटात सलमान वेगळ्या अवतारात दिसणार आहे. हा चित्रपट पुढील वर्षी ईदचा मुहूर्तावर रिलीज होणार आहे.   

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.