लवकरच रंगणार Champions Trophyचा थरार, जाणून घ्या कधी आहेत टीम इंडियाचे सामने; पाहा संपूर्ण शेड्युल

आशिष उदास, मुंबई:  19 फेब्रुवारीपासून पाकिस्तान आणि दुबईत ( ICC Champions Trophy 2025) चा थरार रंगणार आहे. 2017मध्ये लंडन आणि वेल्समध्ये चॅम्पियन्स ट्रॉफीची स्पर्धा खेळवली गेली होती त्यानंतर तब्बल 8 वर्षांनी या स्पर्धेचं आयोजन होत आहे. यंदाच्या चॅम्पियन्स ट्रॉफीचं यजमानपद पाकिस्तानला देण्यात आलं आहे. यंदाच्या स्पर्धेत एकूण 15 मॅचेस या खेळवल्या जाणार आहेत. चॅम्पियन्स ट्रॉफीच्या सर्व मॅचेस दिवसरात्र स्वरुपात खेळवल्या जाणार आहेत. 9 मार्चला स्पर्धेची अंतिम फेरी रंगणार आहे. आपल्या भारतीय संघाचे सामने कधी आहेत?, कोणते संघ स्पर्धेत भाग घेणार आहेत?,  कुठे सामने खेळवले जाणार (ICC Champions Trophy 2025 Teams, schedule)  याबद्दल जाणून घेऊयात. 

चॅम्पियन्स ट्रॉफीच्या मॅचेस होणार कुठे?

चॅम्पियन्स ट्रॉफीची स्पर्धा हायब्रिड मॉड्युल स्वरुपात होणार आहेत. BCCI ने पाकिस्तानात जाण्यास नकार दिल्यानं टीम इंडियाच्या सर्व मॅचेस दुबईत खेळवल्या जाणार आहेत. पण उर्वरित 7 टीमच्या मॅचेस या पाकिस्तानमधील लाहोर, कराची आणि रावळपिंडीत रंगणार आहे. 19 फेब्रुवारीला कराचीत न्यूझीलंड आणि पाकिस्तान यांच्यात सलामीची मॅच रंगणार आहे. टीम इंडियाचं मिशन चॅम्पियन्स ट्रॉफी 20 फेब्रुवारीला बांगलादेशविरुद्धच्या लढतीनं सुरू होणार आहे.

भारत विरुद्ध पाकिस्तान मॅच कधी?

23 फेब्रुवारीला दुबईमध्ये भारत आणि पाकिस्तान या दोन पारंपरिक प्रतिस्पर्धींचा हाय व्होल्टेज मुकाबला रंगणार आहे. 2017च्या चॅम्पियन्स ट्रॉफीच्या फायनलमध्ये पाकिस्ताननं भारताला पराभूत करत चॅम्पियन्स ट्रॉफी जिंकली होती.त्याच पराभवाची परतफेड करण्याची टीम इंडियाला संधी आहे. ICC चॅम्पियन्स ट्रॉफीत भारत आणि पाकिस्तान 5 वेळा आमनेसामने आलेत त्यावेळा 2 वेळा भारतानं विजय मिळवला आहे आणि 3 वेळा पाकिस्ताननं विजयी झाला आहे.

हे ही वाचा: पाकिस्तानने पुन्हा एकदा आपली लायकी दाखवली; CT 2025 आधी कराची स्टेडियमवरील 'तो' Video चर्चेत

आतापर्यंत कोणती टीम किती वेळा जिंकली चॅम्पियन्स ट्रॉफी? 

भारत आणि ऑस्ट्रेलियानं आतापर्यंत 2 वेळा चॅम्पियन्स ट्रॉफी जिंकलीय. न्यूझीलंड, श्रीलंका, साऊथ आफ्रिका, इंग्लंड, पाकिस्तान, श्रीलंका आणि वेस्ट इंडिजनं प्रत्येकी 1 वेळा स्पर्धा जिंकली आहे.

विजेत्या टीमला किती कोटींचं मिळणार बक्षीस?

8 संघांच्या स्पर्धेतील विजेत्या संघाला 2.24 दशलक्ष यूएस डॉलर म्हणजेच सुमारे 20 कोटी रुपये बक्षीस म्हणून मिळतील. यंदा चॅम्पियन्स ट्रॉफी स्पर्धा जिंकणारी टीम मालमाल होणार आहे. शिवाय उपविजेत्या टीमलाही उत्तम रक्कमेचे बक्षीस मिळणार आहे. 

हे ही वाचा: 'हा' क्रिकेटर तुरुंगात भोगत होता शिक्षा, खटला लढणाऱ्या वकिलावरच जडला जीव; जाणून घ्या रंजक प्रेमकहाणी

ICC चॅम्पियन्स ट्रॉफीत सहभागी होणाऱ्या टीम्स

• ग्रुप ए - भारत, पाकिस्तान, न्यूझीलंड आणि बांग्लादेश
• ग्रुप बी - इंग्लंड, ऑस्ट्रेलिया, साऊथ आफ्रिका आणि अफगाणिस्तान

भारताच्या मॅचेस कधी आहेत? 

• 20 फेब्रुवारी - भारत विरुद्ध बांग्लादेश, ठिकाण - दुबई
• 23 फेब्रुवारी - भारत विरुद्ध पाकिस्तान, ठिकाण - दुबई
• 2 मार्च - भारत विरुद्ध न्यूझीलंड मॅच, ठिकाण - दुबई

हे ही वाचा: 3 तास 44 मिनिटांचा 'हा' चित्रपट करतोय 14 देशांमध्ये ट्रेंड; 1800 कोटींची केलीये कमाई

ग्रुप स्टेजमधील मॅचेस कधी आणि कुठे रंगणार?

• 19 फेब्रुवारी - पाकिस्तान विरुद्ध न्यूझीलंड, ठिकाण - कराची
• 20 फेब्रुवारी - भारत विरुद्ध बांग्लादेश, ठिकाण - दुबई
• 21 फेब्रुवारी - ऑस्ट्रेलिया विरुद्ध अफगाणिस्तान, ठिकाण - कराची
• 22 फेब्रुवारी - ऑस्ट्रेलिया विरुद्ध इंग्लंड, ठिकाण - लाहोर
• 23 फेब्रुवारी - भारत विरुद्ध पाकिस्तान, ठिकाण - दुबई
• 24 फेब्रुवारी - बांगलादेश विरुद्ध न्यूझीलंड, ठिकाण - रावळपिंडी
• 25 फेब्रुवारी -ऑस्ट्रेलिया विरुद्ध साऊथ आफ्रिका, ठिकाण - रावळपिंडी
• 26 फेब्रुवारी - अफगाणिस्तान विरुद्ध इंग्लंड, ठिकाण - लाहोर
• 27 फेब्रुवारी - पाकिस्तान विरुद्ध बांगलादेश, ठिकाण - रावळपिंडी
• 28 फेब्रुवारी - अफगाणिस्तान विरुद्ध ऑस्ट्रेलिया, ठिकाण - लाहोर
• 1 मार्च - इंग्लंड विरुद्ध साऊथ आफ्रिका, ठिकाण - कराची
• 2 मार्च - भारत विरुद्ध न्यूझीलंड मॅच, ठिकाण - दुबई

एकंदर यंदाची चॅम्पियन्स ट्रॉफी स्पर्धेतील सर्व मॅचेस या रंगतदार होतील अशी अपेक्षा क्रिकेटरसिक करत आहेत.