WhatsApp मधील End-to-End Encryption म्हणजे काय? जाणून घ्या

WhatsApp Tips & Tricks:  प्रत्येक व्यक्तीच्या स्मार्टफोनमध्ये आपल्याला इन्स्टंट मेसेजिंग अ‍ॅप व्हॉट्सअ‍ॅप असतंच असतं. संपूर्ण जगात व्हॉट्सअ‍ॅप वापरकर्त्यांची संख्या 2 अब्जांच्या पुढे गेली आहे. अशा परिस्थितीत व्हॉट्सअ‍ॅपने आपल्या यूजर्सचा डेटा सुरक्षित आणि सुरक्षित करण्यासाठी वेगवेगळी पावले उचलली आहेत. अलीकडेच, कंपनीने ऑनलाइन स्टेटस लपवणे, कोणालाही न सांगता ग्रुप सोडणे यासारखे अनेक फीचर सादर केली आहेत. यामुळे व्हॉट्सअ‍ॅप वापरणे पूर्वीपेक्षा अधिक चांगलं झाले आहे. या सर्व फीचर्सव्यतिरिक्त, तुम्ही एंड-टू-एंड एन्क्रिप्शनबद्दल (End-to-End Encryption) ऐकले असेल. हे देखील एक प्रकारचे प्रायव्हसी फीचर आहे. जर तुम्ही व्हॉट्सअ‍ॅप वापरत असाल तर एंड-टू-एंड एन्क्रिप्शन म्हणजे काय आहे? फायदे आणि तोटे काय आहेत जाणून घ्या.

End-to-End Encryption फीचर काय आहे?

व्हॉट्सअ‍ॅपवरील चॅट्स एन्क्रिप्टेड म्हणजेच सुरक्षित असतात. एंड-टू-एंड एन्क्रिप्शन म्हणजे मेसेज पाठवणारा आणि मेसेज मिळालेला व्यक्तीच चॅटमधील संदेश वाचू शकतो. व्हॉट्सअ‍ॅपलाही हे चॅट पाहता येत नाही. याशिवाय एंड-टू-एंड एन्क्रिप्शन फीचरद्वारे व्हॉट्सअ‍ॅपवर पाठवलेले फोटो, व्हिडीओ, व्हॉइस मेसेज, डॉक्युमेंट्स, स्टेटस अपडेट्स आणि कॉल्स सुरक्षित आहेत. 

व्हॉट्सअ‍ॅपचे म्हणणे आहे ,की सर्व संदेश लॉकद्वारे सुरक्षित आहेत. मेसेज अनलॉक करण्यासाठी फक्त व्हॉट्सअ‍ॅपच्या पाठवणाऱ्या आणि प्राप्तकर्त्याकडे एक विशेष की असते. हे फीचर डिफॉल्ट असून युजर्सना त्यासाठी स्वतंत्रपणे कोणतीही सेटिंग करण्याची गरज नाही.

हे फीचर्स लवकरच मिळणार

WABetainfo च्या बातमीनुसार, WhatsApp ने iOS वापरकर्त्यांसाठी “delete for me” हे फीचर जारी केले आहे. याशिवाय क्रिएट पोल्स फीचरचाही पर्याय मिळेल. त्याच वेळी, आपण ऑनलाइन स्टेटस लपवू शकता. WhatsApp चे Edit Message फीचर देखील लवकरच आणले जाणार आहे.