வீட்டுத் தோட்டம் அல்லது அருகிலுள்ள பண்ணைகளில் இருந்தும், சந்தைகளில் இருந்தும் பிரெஷ்ஷான பழங்கள் மற்றும் காய்கறிகளைக் கொண்டு வந்து சமைக்கும் பழக்கம் கொஞ்சம் கொஞ்சமாக குறைந்து வருகிறது. நகரமயமாக்கல் மற்றும் தொழில்நுட்பத்தின் வளர்ச்சியால், ரெடி டு ஈட் வகை உணவுகளையும், உண்ணும் போக்கு அதிகரித்துள்ளது. இதனால், ஒவ்வொரு சீசனிலும் அனைத்து வகையான உணவுகளும் உண்ணக் கிடைக்கின்றன.
ரெடிமேட் மற்றும் உறைந்த உணவுகள் பல சந்தர்ப்பங்களில் பயனுள்ளதாக இருக்கும். உங்களுக்கு எதிர்பாராத விருந்தினர்கள் வந்தாலும் அல்லது சமைக்க காய்கறிகள் எதுவும் இல்லையென்றாலும், ஃப்ரீசரில் வைக்கப்பட்டுள்ளன உறைந்த உணவுகளைப் பயன்படுத்துவதே எளிதான வழியாக உள்ளது.
ரெடிமேட் இறைச்சிகள், ஃப்ரோசன் சமோசாக்கள், ரெடி டு குக் ரொட்டி மற்றும் பல உணவுப் பொருட்கள் சமைப்பதை எளிதாக்கியுள்ளது. பால் சேர்த்து சாப்பிடும் வகையில் இருக்கும் ரெடு டு ஈட் வகை தானியங்களில் சர்க்கரை அதிகமாகவும், புரதம் மற்றும் நார்ச்சத்து குறைவாகவும் இருப்பதால், சாப்பிட்ட சிறிது நேரத்திலேயே உங்களுக்கு பசி ஏற்படும். இதனால் உங்கள் கலோரி உட்கொள்ளல் அதிகரித்து உடல் பருமன் ஏற்படும்.
நம் வீடுகளில் தயார் செய்யப்படும் உணவுகளில் செயற்கை நிறமூட்டிகள், இனிப்பு போன்றவை சேர்க்கப்படாது. ஆனால், ரெடி-டு-ஈட் உணவுகளில் இவை அதிகம் காணப்படும். அதோடு இதில் ஊட்டச்சத்துக்கள் மற்றும் நார்ச்சத்து என்பதே இருக்காது. ஆரோக்கியமற்ற கொழுப்புகளும் அதிகம் இருக்கும்.
உறைய வைக்கப்பட்ட மற்றும் ரெடி டு ஈட் உணவுகளால் ஏற்படும் பக்க விளைவுகள்
இன்றைய காலகட்டத்தில், பேக் செய்யப்பட்ட உணவுப் பொருட்களை பயன்படுத்துவது மிகவும் பொதுவானதாகிவிட்டது. உங்கள் குளிர்சாதனப் பெட்டியிலும் ரெடி டு ஈட் மற்றும் உறைந்த உணவுப் பொருட்களை நிரப்பியிருந்தால், உடனடியாக அவற்றைத் தூக்கி எறிந்துவிட்டு, இனிமேல் அதனை பயன்படுத்த போவதில்லை என்று முடிவெடுப்பது நல்லது.
மிக ஆபத்தானது என்றார் ஊட்டச்சத்து நிபுணர்
இந்தியாவின் பிரபல ஊட்டச்சத்து நிபுணர் நிகில் வட்ஸ், ரெடி டு ஈட் மற்றும் உறைந்த உணவுப் பொருட்களை அதிகம் பயன்படுத்துவது குறித்து கூறுகையில், வீட்டில் தயாரிக்கப்படும் உணவுகள் விரைவாக கெட்டுவிடும். அதை பிரிட்ஜில் அல்லாமல் வெளியில் வைத்தால், அது துர்நாற்றம் வீசத் தொடங்குகிறது. மாறாக, உறைந்த மற்றும் ரெடி டு ஈட் வகை உணவுகள், நீண்ட காலத்திற்கு கெட்டுப் போவதில்லை. ஏனெனில் அதில் இரசாயனங்கள் சேர்க்கப்படுகின்றன., இது நமது ஆரோக்கியத்திற்கு பெரும் தீங்கு விளைவிக்கும்.
மேலும் படிக்க | நோய் எதிர்ப்பு சக்தியை காலி செய்து... நோயாளியாக்கும் சில ஆபத்தான பழக்கங்கள்
ரெடி டு ஈட் வகை உணவுகளை எத்தனை நாட்கள் அல்லது மாதங்கள் சேமித்து வைத்தாலும் அப்படியே இருக்கும். ஏனெனில், பேக் செய்யப்பட்ட மற்றும் உறைந்த உணவுகளில் சுவை மற்றும் நிறத்தை பாதுகாக்கும் வகையில் இரசாயன சேர்க்கைகள் சேர்க்கப்படுகின்றன. இவை அனைத்தும் நம் உடலுக்கு தீங்கு விளைவிக்கும் இரசாயனங்கள். இதனால் அவற்றின் செல்ஃப் லைஃப் அதிகரிக்கிறது.
உணவுகள் நீண்ட நாட்கள் கெட்டுப் போகாமல் இருக்க ஆரோக்கியமற்ற கொழுப்புகள் மற்றும் எண்ணெய்கள் மற்றும் அதிகப்படியான உப்பைப் பயன்படுத்தி உணவு நிறுவனங்கள் இந்த உணவுகளைத் தயாரிக்கின்றன,. இவை அஜீரணம், வயிற்றுப்போக்கு, புற்றுநோய், கல்லீரல் நோய் மற்றும் சிறுநீரக நோய்களை ஏற்படுத்தும்.
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.)
மேலும் படிக்க | உடல் பருமனால் ஆண்களுக்கு வரும் அபாயகரமான நோய்கள் இவைதான்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
