டெல்லியில் நடந்த தீ விபத்தில் சுமார் 250க்கும் மேற்பட்ட குடிசை வீடுகள் எரிந்துள்ளதாக தகவல் வெளியாகியுள்ளது.
டெல்லி பஷ்சிம் புரி என்ற இடத்தில் உள்ள குடிசை பகுதியில் நள்ளிரவில் திடீரென தீ விபத்து ஏற்பட்டுள்ளது. இந்த தீ மளமளவென பரவியதில் அங்கிருந்த 250க்கும் மேற்பட்ட குடிசைகள் எரிந்தன. மேலும் வீடுகளில் இருந்த பொருட்கள், அப்பகுதியில் நிறுத்தப்பட்டிருந்த இருசக்கர வாகனங்கள் தீயில் கருகின.
இந்த தீ விபத்தில் சிலர் காயம் அடைந்த நிலையில் அவர்கள் மருத்துவமனையில் சேர்க்கப்பட்டனர். மின்கசிவினால் தீ விபத்து ஏற்பட்டிருக்கலாம் என முதல்கட்ட விசாரணையில் தெரியவந்துள்ளது. தீ விபத்து குறித்து தகவலறிந்து வந்த தீயணைப்பு படையினர் தீயை அணைத்தனர்.
