Japanese People Skin Care Secret : வயதானால் அனைவருக்கும் வயதான தோற்றம் வருவது சகஜம்தான். ஆனால் ஒரு சிலர் எவ்வளவு வயதானலும் அது தங்களின் முகத்தில் தெரியாதவாறு பார்த்துக்கொள்வர். பெரும்பாலும் நடிகைகள்தான் இப்படி இருப்பார்கள். ஆனால் ஜப்பான் நாட்டை சேர்ந்த மக்கள் பலரது சருமம், வயதானாலும் இளமை தோற்றத்திலேயே இருக்குமாம். இதற்காக அவர்கள் என்னெல்லாம் செய்றாங்க தெரியுமா? இங்கு பார்ப்போம்.
ஆரோக்கியமான உணவுகள்:
ஜப்பான் நாட்டை சேர்ந்தவர்கள், என்ன செய்தாலும் தங்களின் உணவு பழக்கத்தை ஆரோக்கியத்துடன் வைத்துக்கொள்கின்றனர். இவர்களின் டயட்டில் எப்போதும் காய்கறிகள், பழங்கள், சோயா மற்றும் கடல் உணவுகள் ஆகியவை இருக்குமாம். ஆண்டி ஆக்சிடண்ட்ஸ் நிறைந்த இது போன்ற உணவுகள், சருமத்தை பாதுகாக்க உதவுவதோடு வயதான தோற்றத்தை அளிக்காமலும் தடுக்குமாம்.
குடிக்கும் பானம்:
தங்களை இளமையாக வைத்துக்கொள்ள ஜப்பானியர்கள் அடிக்கடி சில இயற்கை பானங்களை குடிப்பது வழக்கம். அப்படி அவர்கள் சேர்த்துக்கொள்ளும் பானங்களுள் ஒன்று க்ரீன் டீ. இது நம் உடலில் வயதான செல்கள் வளராமல் தடுப்பதுடன், உள்ளிருந்து ஆரோக்கியத்தையும் பத்திரமாக பார்த்துக்கொள்கிறது. சரும மற்றும் உடல் ஆரோக்கியத்தை பார்த்துக்கொள்ள இது உதவும்.
சேக் காசு:
ஜப்பானியர்களின் உணவு பொருட்களில் அவர்கள் சேர்த்துக்கொள்ளும் இன்னொரு ஆரோக்கியமான பொருள், கேக் சாசு. ஜப்பானியர்களின் மதுபான தயாரிப்பில் இந்த பொருள் மிகப்பெரிய பங்கு வகிக்கிறது. மது பானத்திற்கு மூலப்பொருளாக விளங்கும் இந்த உணவு பொருளை அவர்கள் சருமத்தை மென்மையாக்கௌவ்ம் பொலிவுடன் வைத்திருக்கவும் உபயோகிக்கின்றனர். இதனால் அவர்களுக்கு இளமை தோற்றமும் நிலைக்கிறது.
உடற்பயிற்சி:
ஜப்பானியர்கள், தங்களை இளமையாக வைத்துக்கொள்ள சில உடற்பயிற்சிகளையும் செய்கின்றனர். இது, அவர்களின் ரத்த ஓட்டத்தை சீரக்கி சருமத்திற்கு தேவையான ஊட்டச்சத்துகளையும் வழங்குகிறது. பெரும்பாலும் ரன்னிங் மற்றும் கார்டியோ உடற்பயிற்சிகளையே இவர்கள் விரும்பி செய்கின்றனர். இதனால், உடலும் மெலிதாவதுடன் ஆரோக்கியமான எடையிலும் இருக்கின்றனர்.
உறக்கம்:
நம்மக்கு சீக்கிரமே இளமை முதிர்வை ஏற்படுத்தும் விஷயங்களுள் ஒன்று, தூக்கமின்மை. இதனை போக்கி, புத்துணர்ச்சியுடன் உணர நாம் போதுமான அளவிற்கு உறங்க வேண்டும். ஒருவர் ஒரு நாளைக்கு 7-8 மணி நேரமாவது உறங்க வேண்டியது அவசியம் ஆகும்.
மனதை அமைதிப்படுத்துவது:
நமக்கு மன அழுத்தம் இருந்தாலும் கூட, பல சமயங்களில் இளமை காலத்திலும் முதிர்ச்சி வந்து விடும். இதை பற்றி தெரிந்திருக்கும் ஜப்பானியர்கள், தினம் தோறும் தங்கள் மனதை அமைதிப்படுத்தும் செயல்களை செய்கின்றனர். இந்த மன அமைதியை பேணுவதற்கு அவர்கள் தினமும் யோகா மற்றும் தியானம் செய்கின்றனர். இது இவர்களின் தினசரி நடவடிக்கைகளில் ஒரு பகுதியாம். இதனால் சரும ஆரோக்கியம் மேம்படுவதுடன் இளமை தோற்றத்தையும் பாதுகாக்க முடியும்.
வெயிலில் செல்லும் போது:
ஜப்பானியர்கள் பலர், தங்கள் சருமத்திற்கு தீங்கு விளைவிக்கும் சூரிய ஒளியில் இருந்து தள்ளியே இருக்கின்றனர். வெளியில் செல்லும் போது கண்டிப்பாக சன்ஸ்க்ரீன் போட்டுக்கொண்டும், குடை, தொப்பி எடுத்துக்கொண்டும் செல்வார்களாம். இதனால் சருமத்தில் வெயிலால் ஏற்படும் பாதிப்பில் இருந்து தப்பிக்கலாம்.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
மேலும் படிக்க | வெயிட் லாஸ் ஆக கொரியர்கள் குடிக்கும் மேஜிக் பானங்கள்! வீட்டிலேயே செய்யலாம்..
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
