புதுடில்லி: சுகாதார காப்பீட்டில் நுழைந்த பின்னர், பிளிப்கார்ட்டுக்கு சொந்தமான கட்டண நிறுவனமான PhonePe இப்போது பஜாஜ் அலையன்ஸ் ஜெனரல் இன்சூரன்ஸ் நிறுவனத்துடன் இணைந்து கார் மற்றும் பைக் காப்பீட்டை தன் பிராடக்ட் போர்ட்ஃபோலியோவில் சேர்த்துள்ளது.
PhonePe இல் இரு சக்கர வாகனம் காப்பீடு 482 ரூபாய் முதலும் கார் காப்பீடு 2,072 ரூபாய் முதலும் தொடங்குகின்றன.
Insurance-> MyMoney இன் கீழ் புதிதாக சேர்க்கப்பட்ட மோட்டார் காப்பீட்டு பக்கத்திலிருந்து கார் மற்றும் பைக் காப்பீட்டை PhonePe பயனர்கள் பெறலாம். பயனர்கள் 2 நிமிடங்களுக்குள் இந்தத் திட்டங்களின் மூலம் காப்பீட்டை (Insurance) வாங்கி விடலாம் என்று நிறுவனம் கூறுகிறது. கட்டணம் செலுத்திய பிறகு, செயலியில் உடனடியாக கொள்கை ஆவணங்களை அணுக முடியும்.
காப்பீட்டுத் திட்டங்களை இன்னும் அனைவரையும் கவரும் வகையில் மெருகேற்ற, PhonePe, பஜாஜ் அலையன்ஸ் பொது காப்பீட்டுடன் தொடர்புடைய தர்ட் பார்டி கேரேஜ்களின் நாடு தழுவிய நெட்வொர்க் மூலம் கிடைக்கும் பணமில்லா பழுதுபார்ப்பு சேவைகளுடன் தொகுக்கப்பட்டுள்ளது. வாங்குபவர்களுக்கு 20 நிமிடங்களுக்குள் உடனடி கிளெயிம் செடில்மெண்டும் கிடைக்கும்.
வாடிக்கையாளர்கள் தங்கள் திட்டங்களைத் தனித்துவப்படுத்திக் கொள்ளலாம். Zero depreciation, 24x7 சாலையோர உதவி மற்றும் இயந்திர பாதுகாப்பு போன்ற மதிப்பு கூட்டப்பட்ட சேவைகளிலிருந்து பயனர்கள் தேர்வு செய்து கொள்ளலாம்.
Zero Depreciation, அதன் பாகங்களின் மதிப்பில் வருடாந்திர டெப்ரிசியேஷனைப் பொருட்படுத்தாமல் வாகனத்தை உள்ளடக்கியது மற்றும் முழு கிளெயிம் தொகையையும் செலுத்துகிறது.
“மோட்டார் காப்பீடு (Motor Insurance) மிகவும் அவசியமானது. இது விபத்துகளின் போது பாதுகாப்பை வழங்குகிறது. இன்னும், இந்தியா முழுவதும் இருசக்கர வாகனங்கள் மற்றும் நான்கு சக்கர வாகனங்கள் என எங்களிடம் பல வாகனங்கள் உள்ளன. சில இன்னும் காப்பீடு செய்யப்படாதவை, சில முழுமையாக செய்யப்படாதவை” என்று பஜாஜ் அலையன்ஸ் பொது காப்பீட்டின் தகவல் தொழில்நுட்ப தலைவர் சௌரப் சாட்டர்ஜி கூறுகிறார்.
HDFC செக்யூரிட்டீசின் சமீபத்திய அறிக்கையின்படி, இருசக்கர வாகனங்கள் மற்றும் பயணிகள் கார்கள் உள்ளிட்ட பிரிவுகளில் வாகனங்களுக்கான தேவை மீண்டும் கோவிடுக்கு முந்தைய நிலைகளுக்கு திரும்பியுள்ளது.
ALSO READ: Health Insurance எடுக்கப் போறீங்களா? என்ன செய்ய வேண்டும், என்ன செய்யக்கூடாது...
நாட்டிலுள்ள வாகனங்களில் 70 சதவிகிதம் இரு சக்கர வாகனங்கள் என்பதால், மோட்டார் காப்பீட்டு பிரிவில் வளர்ச்சிக்கு மிகப்பெரிய சாத்தியம் இருப்பதாக PhonePe-ன் குஞ்சன் காய் கருதுகிறார். "இது எங்கள் வாடிக்கையாளர்களின் அனைத்து காப்பீட்டுத் தேவைகளுக்கும் ஒரே இடமாக இருக்க வேண்டும் என்ற எங்கள் இலக்கிற்கு ஏற்ப அமைந்துள்ளது. மோட்டார் காப்பீட்டை வாங்குவதற்கான எளிய, விரைவான மற்றும் வசதியான வழியை நாங்கள் வழங்குகிறோம். அதே நேரத்தில் மென்மையான புதுப்பித்தல்களையும் செயல்படுத்துகிறோம்" என்று காய் மேலும் கூறுகிறார்.
2016 ஆம் ஆண்டில் Flipkart-ஆல் வாங்கப்பட்ட PhonePe, டிஜிட்டல் வாலெட்டுகள் (Digital Wallets) மற்றும் UPI பேண்டுகளை வழங்குவதோடு மட்டுமல்லாமல், மியூசுவல் ஃபண்டுகள், வரி சேமிப்பு நிதிகள், லிக்விட் நிதிகள், சர்வதேச பயணக் காப்பீடு போன்ற காப்பீட்டு வசதிகள் மற்றும் COVID-19-க்கான பல சுகாதாரத் திட்டங்களையும் வழங்குகிறது.
ஏப்ரல் மற்றும் ஆகஸ்ட் மாதங்களுக்கு இடையில் 5 லட்சத்திற்கும் அதிகமான காப்பீட்டுக் கொள்கைகளை விற்றதாக நிறுவனம் சமீபத்தில் அறிவித்தது. காப்பீடு எடுத்தவர்களில் பலர் இரண்டாம் மற்றும் மூன்றாம் அடுக்கு நகரங்களைச் சேர்ந்தவர்கள் என்றும் பலர் முதன் முறையாக காப்பீடு எடுத்தவர்கள் என்றும் நிறுவனம் தெரிவித்தது.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
