எதிர்வரும் 2024-க்குள் நாட்டின் முழு ரயில்வே வலையமைப்பும் மின்சாரத்தில் இயங்கும் என்று மத்திய வர்த்தக மற்றும் தொழில்துறை அமைச்சர் பியூஷ் கோயல் திங்களன்று தெரிவித்துள்ளார்.
இந்தியா-பிரேசில் வர்த்தக மன்றத்தில் பேசிய கோயல் இதுகுறித்து தெரிவிக்கையில்., "நாங்கள் 2024-க்குள் ரயில் வலையமைப்பை விரைவாக மின்மயமாக்குகிறோம், முழு ரயில்வேயும் 100 சதவீதம் மின்சாரத்தில் இயங்கும் என்று நாங்கள் எதிர்பார்க்கிறோம்" என்று குறிப்பிட்டுள்ளார்.
"இது முழு உலகிலும், இந்த அளவிலும் அளவிலும் மின்சாரத்தில் இயக்கப்படும் முதல் ரயில்வே ஆகும், மேலும் 2030-ஆம் ஆண்டில், முழு ரயில்வே நெட்வொர்க்கையும் பூஜ்ஜிய-உமிழ்வு வலையமைப்பாக மாற்ற திட்டமிட்டுள்ளோம். இது தூய்மையான ஆற்றலில் இயங்கும்" என்றும் அவர் மேலும் குறிப்பிட்டுள்ளார். தொடர்ந்து பேசிய அவர்., "இந்தியா பிரேசிலுடன் கூட்டாளராக விரும்புகிறது" என்றும் குறிப்பிட்டார்.
இதனிடையே பிரதமர் நரேந்திர மோடி தலைமையிலான அரசாங்கம் பிப்ரவரி 1-ஆம் தேதி ‘Union Budget 2020’-ன் முன்வைக்கும் என எதிர்பார்க்கப்படுகிறது. பட்ஜெட் தொடரின் போது இந்திய ரயில்வே துறைக்கு கனிசமான தொகை ஒதுக்கப்படும் என்றும் கூறப்படுகிறது.
முன்னதாக., இந்த ஆண்டு வரவுசெலவுத் திட்டத்தில் இந்திய ரயில்வே குறித்த தங்கள் எதிர்பார்ப்புகளையும், அவர்கள் என்ன மாற்றங்களைக் காண விரும்புகிறார்கள் என்பதையும் மக்கள் ஜீ மீடியாவுடன் தெரிவித்தனர். அந்த வகையில் மக்களின் கருத்துகளின் அடிப்படையில் தயாரிக்கப்பட்ட பட்டியல் கீழே கொடுக்கப்பட்டுள்ளது.
- ரயில்வே பயணிகளின் முக்கிய கோரிக்கைகளில் ஒன்று, ரயில்களின் நேரத்தை மேம்படுத்துவதில் மிகப்பெரிய தேவை வேண்டும் என்பது. நெடுந்தொலைவு பயணிக்கும் ரயில்கள் பலவும் சுமார் 1-லிருந்து 2 மணி நேரம் தமதமாகவே சேருமிடைத்தை அடைகின்றன. இந்த பிரச்சனையினை போக்க போதிய நடவடிக்கை மேற்கொள்ளப்பட வேண்டும் என்பது மக்களின் பிரதாண கோரிக்கையாக உள்ளது.
- ரயில் பயணத்தின் போது வழங்கப்படும் உணவு மற்றும் பானங்களின் தரத்தை மேம்படுத்த வேண்டும் என்றும் மக்கள் எதிர்பார்க்கிறார்கள். சில வழங்குனர்கள் இந்த சேவையினை சிறப்பாக செயல்படுத்தினாலும், இந்த சேவையினை மேலும் மேம்படுத்த வேண்டும் என்பது மக்களின் கோரிக்கை.
- பயணத்தின் போது பயணிகளை ஈடுபடுத்திக்கொள்ள ஆன்-போர்டு பொழுதுபோக்குக்கான கோரிக்கை.
- பாதுகாப்பை உறுதி செய்வதற்காக தளங்கள் மற்றும் ரயில்களில் சிசிடிவி கேமராக்களை நிறுவுதல் வேண்டும்.
- ரயில் நிலையங்களின் தூய்மையில் மக்கள் மகிழ்ச்சியை வெளிப்படுத்தினர், என்றபோதிலும் மேலும் மேம்பாடுகள் தேவையெனவும் வலியுறுத்தியுள்ளனர்.
- பயணிகள் அதிக கட்டணம் செலுத்துவதைப் பொருட்படுத்தவில்லை, ஆனால் ரயில்வே வசதிகளை வழங்குவதைத் தவிர்க்கக்கூடாது என்று விரும்புகிறார்கள். ஆக, தேஜாஸ் போன்ற ரயில்களின் எண்ணிக்கையில் அதிகரிக்க வேண்டும் எனவும் கோரிக்கை முன் வைத்துள்ளனர்.
மக்களின் கோரிக்கைகள், இந்த முறை பட்ஜெட் ரயில்வேக்கு பல புதிய மற்றும் சிறந்த பரிசுகளை கொண்டு வர வேண்டும் என்பதை எதிர்பார்க்கின்றனர் என தெரியப்படுத்துகிறது.
