சிரஞ்சீவி, அமிதாப்பச்சன், விஜய் சேதுபதி நடிப்பில் உருவாகியுள்ள திரைப்படம் ‘சைரா நரசிம்மா ரெட்டி’. இத்திரைப்படத்தின் வெளியீட்டு உரிமையினை சூப்பர் குட் பிலிம்ஸ் கைப்பற்றியள்ளத!
ராயலசீமாவில் வாழ்ந்த சுதந்திர போராட்ட வீரர் உய்யவலாடா நரசிம்மா ரெட்டி வாழ்க்கை வரலாற்றை அடிப்படையாகக் கொண்டு உருவாகியுள்ள திரைப்படம் ‘சைரா நரசிம்மா ரெட்டி’. இப்படத்தில் சைரா நரசிம்மா ரெட்டியாக தெலுங்கு திரையுலகின் உச்ச நட்சத்திரமான சிரஞ்சீவி நடித்துள்ளார்.
இவருடன் அமிதாப்பச்சன், விஜய் சேதுபதி, நயன்தாரா ஆகியோர் முக்கிய கதாப்பாத்திரத்தில் நடித்துள்ளனர். படத்தின் வேலைகள் முழுவதும் முடிவடைந்து, திரைக்கு வர தயாராக உள்ள நிலையில் இப்படத்தை தமிழ்நாட்டில் வெளியிடும் உரிமையை சூப்பர் குட் பிலிம்ஸ் நிறுவனம் பெற்றுள்ளது.
Best wishes to #RBChoudary sir @SuperGoodFilms_ on releasing #SyeRaa in Tamil Nadu on October 2#SyeRaaWithSuperGoodFilms#MegastarChiranjeevi @SrBachchan @DirSurender @KicchaSudeep @IamJagguBhai @tamannaahspeaks @KonidelaPro @RathnaveluDop #Nayanthara @CtcMediaboy pic.twitter.com/qtj5bN80bk
— VijaySethupathi (@VijaySethuOffl) September 17, 2019
பல வெற்றி படங்களை தயாரித்தும், வெளியிட்டிருக்கும் சூப்பர் குட் பிலிம்ஸ் நிறுவனம் ‘சைரா’ படத்தின் தமிழக உரிமையை பெற்றிருப்பது படத்தின் மீதான எதிர்பார்ப்பை அதிகரிக்க வைத்துள்ளது.
முன்னதாக, தமிழ், தெலுங்கு, கன்னடம், மலையாளம், இந்தி ஆகிய 5 மொழிகளிலும் இப்படத்தின் டிஜிட்டல் உரிமையை ஒரு பிரபல நிறுவனம் (Amazon Prime Video) 40 கோடி ரூபாய்க்கு பெற்றுள்ளதாக தகவல்கள் வெளியானது. ஆக, படத்தின் வெளியீட்டிற்க முன்னதாகவே இத்திரைப்படம் 40 கோடி ரூபாய் வருமானம் ஈட்டிய பெருமை பெற்றுள்ளது.
வரும் அக்டோபர் 2-ஆம் நாள் இப்படம் வெளியாகவுள்ள நிலையில், படத்தின் திரை வெளியீட்டிற்கு 60 நாள் பின்னர் டிஜிட்டல் பிலாட்பார்மில் இத்திரைப்படம் வெளியாகும் என்பது குறிப்பிடத்தக்கது.
