ரஜினி நடித்துள்ள ஜெயிலர் திரைப்படம் விரைவில் வெளியாகவுள்ள நிலையில், அந்த படத்திற்கு புதிதாக கேரள மாநிலத்தில் ஒரு சிக்கல் எழுந்துள்ளது. இதனால், படத்தின் மலையாள ரிலீஸ் பாதிப்படையுமா என்ற அச்சமும் ரசிகர்கள் மத்தியில் எழுந்துள்ளது.
ஜெயிலர் திரைப்படம்:
‘கோலமாவு கோகிலா’ இயக்குநர் நெல்சன் திலீப்குமார் இயக்கத்தில் உருவாகியுள்ள படம், ஜெயிலர். படத்தில், ரஜினிகாந்த் ஹீரோவாக நடிக்க தமிழ், தெலுங்கு, மலையாளம் மற்றும் கன்னடம் ஆகிய திரையுலகை சேர்ந்த முன்னணி நடிகர்கள் இதில் முக்கிய கதாப்பாத்திரங்களாக நடித்துள்ளனர். மோகன் லால், சிவராஜ் குமார், சுனில் உள்ளிட்டோர் இதில் காமியோ கதாப்பாத்திரத்தில் வருகின்றனர். தமன்னா, நாயகியாக வருகிறார். நெல்சனின் பிற படங்களில் காமெடி கதாப்பாத்திரமாக இடம் பெற்றிருந்த ரெடின் கிங்ஸ்லீ இந்த படத்திலும் நடிக்கிறார்.
மேலும் படிக்க | ‘மாவீரன்’ படத்தில் குரல் கொடுக்க விஜய் சேதுபதி வாங்கிய சம்பளம் எவ்வளவு தெரியுமா..?
புதிய சிக்கல்:
ஜெயிலர் திரைப்படம் அடுத்த மாதம் திரைக்கு வரவுள்ள நிலையில், அதற்கான போஸ்ட் ப்ரொடக்ஷன் பணிகள் முழுவீச்சில் நடைப்பெற்று வருகின்றன. இந்த நிலையில், இப்படத்தின் தலைப்பை மாற்றக்கோரி ஒரு தரப்பினர் ஜெயிலர் படக்குழுவினருக்கு கோரிக்கை வைத்துள்ளனராம்.
கேரளாவில் பிரச்சனை..
ஜெயிலர் படம் தமிழ்நாடு உள்பட இந்தியாவின் பல்வேறு மாநிலங்களில் வெளியாகிறது. கேரளாவிலும் இப்படம் வெளியாகவுள்ள நிலையில், அங்குதான் இந்த பிரச்சனை கிளம்பியுள்ளது. மலையாளத்தில் ஜெயிலர் என்ற பெயரில் ஒரு படம் தயாராகி உள்ளது. இந்த படத்தில் பிரபல நடிகர் தியான் ஸ்ரீனிவாசன் உள்பட பலர் நடித்துள்ளனர். இந்த படத்தின் கதையும் ரஜினி நடித்துள்ள ஜெயிலர் பட கதையும் வெவ்வேறுதான். இருந்தாலும் இரண்டு படங்களும் ஒரே நேரத்தில் வெளியாகின்றன. ஒரே பெயரை கொண்டுள்ள படங்கள் ஒரே நேரத்தில் வெளியானால் ரசிகர்களுக்கு குழப்பம் ஏற்படும் என கருதும் மலையாள ஜெயிலர் படக்குழுவினர், ரஜினியின் ஜெயிலர் படத்தின் மலையாள தலைப்பினை மாற்றக்கோரி படக்குழுவினருக்கு கோரிக்கை விடுத்துள்ளனர். ஆனால் படக்குழுவினர் அதற்கு மறுப்பு தெரிவித்துள்ளதாக கூறப்படுகிறது. இதனால், கேரளாவில் ஜெயிலர் படம் ரிலீஸாவில் சிக்கல் ஏற்படுமோ என்ற கேள்வி எழுந்துள்ளது.
ஜெயிலர் இரண்டாவது சிங்கிள்..
ஜெயிலர் படத்தின் இரண்டாவது சிங்கிள், நேற்று வெளியாகி ரசிகர்களின் பலத்த வரவேற்பினை பெற்றுள்ளது. Hukum-Tiger Ka Hukum என்ற பெயரில் வெளியாகியுள்ள இந்த பாடல், ரஜினியின் இண்ட்ரோ பாடலாக இருக்கும் என கருதப்படுகிறது. “அலப்பர கெளப்புரோம்..” என்பது போன்ற வெறித்தனமான வரிகளுடன் இந்த பாடல் ரசிகர்களின் வரவேற்பினை பெற்றுள்ளது. மேலும், இதில் காண்பிக்கப்பட்டுள்ள காட்சிகளில் நடிகர் ரஜினி மிகவும் ஸ்டைலாக இருப்பதாகவும் ரசிகர்கள் கருத்து தெரிவித்துள்ளனர். வெளியான சில மணி நேரங்களிலேயே பல மில்லியன் வியூஸ்களை கடந்து இந்த பாடல் வைரலாகி வருகிறது.
‘காவாலா’ பாடல்..
ஜெயிலர் படத்தில் முதலில் ரிலீஸான பாடல், காவாலா. இந்த பாடலை ஷில்பா ராவ் என்பவர் பாடியிருந்தார். பிரபல நடன இயக்குநர் ஜனி மாஸடரின் நடன அசைவுகளில் நடிகர்கள் நடனமாடியிருந்தனர். இந்த பாடலில் நடிகை தமன்னாதான் லீட் எடுத்து ஆடியிருந்தார். சின்னத்திரை முதல் வெள்ளித்திரை வரை பல நடிகர் நடிகைகள் இந்த பாடலுக்கு நடனமாடி வீடியோவாக பதிவிட்டு இருந்தனர்.
இசை வெளியீட்டு விழா எப்போது..?
அடுத்த மாதம் 10ஆம் தேதியன்று வெளியாகவுள்ள ஜெயிலர் படத்தின் இசை வெளியீட்டு விழாவை பிரம்மாண்டமான அளவில் நடத்த படக்குழு திட்டமிட்டுள்ளது. ரஜினியின் கடைசியாக நடித்திருந்த ‘அண்ணாத்த’ திரைப்படத்திற்கு இசை வெளியீட்டு விழா நடைபெறவில்லை. இதனால், ஜெயிலர் இசை வெளியீட்டு விழாவை புதுமையான வகையில் தடபுடலாக நடத்த படக்குழுவினர் ஆயத்த பணிகளில் இறங்கியுள்ளனராம். இசையுடன் சேர்த்து படத்தின் ட்ரைலரும் வெளியாகும் என எதிர்பார்க்கப்படுகிறது. வரும் 28ஆம் தேதி இந்த விழா நடைபெறலாம் என கூறப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
